كلهم باعوكي

كتب:الشاعر محمد حامد حسين
كلهم باعوكي الاانا
انا اللي ثورت يوم عشانك
ومن ساعتها انا مش انا
كانت كل حاجه ممكنة
إلا الضنا اللي احنا فيه
كلهم باعوكي إلا انا

انتي فين انا مش لاقيكي
دي ناس كتير شمتانة فيكي
وللاسف عايروكي بينا
وقالوا
اللي ربيتي فيهم
فيهم اللي ظلمك
واللي حرقك
وحرق تاريخك
كلهم باعوكي الا انا
قالوا ثورة… هانغير
ولا اي حاجه اتغيرت
ولا اله ولا نظام
وكل الوعد كان أوهام

عارفة ..
ساقونا مرة ع دستور
روح و وافق
وياويلك لو قولت لاء
تبقي كافر

وقسمونا وباعلامهم ضللونا
عشمونا سواحونا
ف عز الشدة و سابونا

الشعب ليه بقي نصين
مؤيدين .. معارضين
دخلوها كمان ف الدين
مسلمين .. مسيحيين
و ده من أمتي يا مصريين