شعر عامى بعنوان ( كلنا واحد)
ناس بتموت تحت التراب
ليه القسوة بقيت دليل
كل ما نجمع شمل البلاد
يجى الجبل علينا يميل
***********************
نرجع تانى نقول خلصنا
ونلقى الجو يصفى القلوب
يملى تانى الخوف ولادنا
ونلقى الامل فينا بيدوب
**********************
انتم تقولوا انكم مسلمين
فى اى دين تقتلوا الابرياء
مسكين سلاح للبنى ادمين
وتيجوا تقولوا انكم ابرياء
********************
اوعوا تنسوا وجود رب كريم
مهما كانت اديانا مصريين
تجمعنا الكلمه الحلوه الطيبه
تلقى القلوب وياها بتلين
*******************
ليه عاوزين بلادنا تموت
احنا لينا رب واحد
مهما حاولتوا تفرقونا
ايوه يا ناس كلنا واحد
******************
بقلمى // شيماء خليفه
