كلمة الحق عالجبين
لازم تبان
جوه القلوب اكتب
واسطر البيان
كام مسؤل بيفطر
علي عربية فول
رغيف باتنين جنيه
اصبح عبء عالغلبان
ويعمل ايه عامل ولا شغال
شقيان باليل والنهار
محتارصاحب عيال
بدل السكر
حنحلي بالعسل
حتي النحل حلف
ما يدوق الورد
طول ما ابن البلد
للاحمال شيال
كل حاجه
بتغلي ومش لقينها
وتظهر وتخلص
قبل اوانها
بصرخ باعلي صوتي
بحبك رغم موتي
يا امي وام الهرم
الشعب فيكي اتظلم
مش مهم سكر
ولا حتي نعمل رز
المهم نشيل العفن
واللي مش عايزين
لمصر العز
القائد فيكي اتظلم
عشان تاجر ومسؤل
مش عايز يحس بندم
كل شئ فيكي
انا خايف عليه يتهدم
عشان كام واحد
معرفش طعم الالم
الم الشقيان والغلبان
اللي رغم العذاب
قلبه دفا وعمران
عمران بحبك يا مصر
وحب جيشك وامنك
والتاني شايل ايده
مش همه ابنك ولا همك
بقلم محمد الجندي
