كتبت : نورا سمير
زمان لو كنتي قولتلي ان المرأة مقهوره و الراجل متهني كنت هقولك كلامك صح
لكن دلواقتي الوضع اختلف الراجل و الست مقهورين !
ايوه ما تستغربيش
تعالي ناخد مراحل اي شاب دلواقتي و نشوف اذا كان مقهور و لا لا : و هو صغير الراجل ما بيعيطش و انت المفروض تستحمل الرغي ده للستات ( يعني حتي الدموع الي هي السبيل الوحيد للفضفضه اتقفل )
وندخل علي مرحله التعليم طبعا لو كان عليكي ضغط واحد فهو متمرمط بمعني الكلمه اصل كليته مش هتبقي كرير و نجاح علي قد ما هي بوابه للشغل و الفلوس فلازم كليه كويسه و تلاقي الحساب عسير ( حتي لو كان عندك كده برضو فانتي مش بتشيلي هم الشغل زيه حتي لو هتشتغلي بعد التخرج )
نجي بقي للمرحله العسيره : مرحله جيش و شغل و شقه و عفش و مهر و شبكه و دي يعامل فيها الشاب كأمير خليجي
لو لاحظنا كل ده فالشاب اه واخد حريه الخروج و الفسح بس بردوا وحيد و الشخص الوحيد عادة بيكون عدواني( طبعا دا مش مبرر لو ضرب مراته او اخته ) بس دا مجرد تفسير
فطبيعي جدا انه ما يكملكيش لانه عنده نقص و احتياج كإنسان لان الراجل محتاج احتواء زيه زي الست
و هنا نصيحه لراجل و الست :
حاول تعرف واجباتك زي ما انت عارف حقوقك
لو انت هتتجوز قريب انسف اي فكره سابقه عن الجواز اي كان نوعها و امشي بمبدأين :
الصراحه مع شريك حياتك
و تقبل افكاره و احترامها
