كلمات / خالد الترامسي
زغرطي يام الشهيد
لابسه أبيض يوم مماته
زغرطي يام الشهيد
إحنا شايفنها جنازة
هي شايفاها زفافه
هي شيفاه العريس
قلب أم قلب حَس
قلب نابض ذكر ربه
قلب عامر بالإيمان
قلب صابر قلب طاير
هي شافت نور مكانه
إفرحي يام الشهيد
إفرحي الدنيا عارفه
إن مصر العين عليها
لاجل تفضل مصر سالمة
نفدي روحها بنور عنينا
مش هتفرق دا احنا شهدا
أما هما وقود سعيرها
إفرحي يام الشهيد
إفرحي هو ف عنينا
وانتي برضو حاجة تانيه
إنتي مصنع رجالتنا
دا انتي درة تاج رؤوسنا
إفرحي يام الشهيد
إفرحي واحنا معاكي
إفرحي لاجل تكوني
أم حالمة بنصر جاي
نصر صاغه نور عنيها
لاجل م يعيش الوطن
زغرطي يام الشهيد
