د. ملك محمود الأصفر
هاتوا الزينة والأزهار
جايينا بكرة زوار
جايينا شهر فضيل
بهلالو تضوي الأنوار
والسما بتفتح أبوابا
للي تايب ليل نهار
وللي رافع إيدو بيدعي
وعلسانو أجمل أذكار
……………..
جاية لينا رمضان
شهر التوبة والغفران
بدنا نصوم وبدنا نصلي
وبدنا نقرأ بالقرآن
ما أحلى لمة العيلة
عند المغرب يا أخوان
والكل صايم عم يستنى
المدفع أو صوت الآذان
…………….
والمسحر بيفيقنا
على صوت الطبلة بغنية
يا نايم وحد الدايم
قوم سبح رب البرية
وليلة القدر منحييها
ومندعي حتى الصبحية
والتراويح نصليها
من بعد العشا يومية
……………………………….
