خواطر الافندى للكاتب المبدع الشاعر الاستاذ سمير الخولى
من هنا من مصرنا أفندى زينا جاى يحكى حكاية كل أب فينا كشاف يدور على الخير اللى راح من ليالينا ويفكرنا بمآسينا وكلمة حنقولها كلنا اولادنا وأغلى ما لينا فى يوم يا ابنى راح أبقى عجوز
مع الشاعر إبراهيم الافندى واجمل نص يومى
( ح أبقي عجوز ) شعر غنائى كلمات الافندى
بعد سنين يا حبيبى يجوز / بابا يبقى عجوز و العجوز محتاج لرعاية
حسك عينك تبعد عنى
زمانى يهينني
لما يشوفك مش ويايه
كون ويايا وقرب منى
فى عنيك شلنى واستحملنى
كون عيني اللي انا شايف بيها
كون عكازى اللى بيحملنى
لو خذلتنى رجولى
مش قادر اصلب طولى
ومتنساش انا خت بإيدك
دنا علمت رجولك تمشى
فاكر لما تعبت زمان
وعيونى حلفت ما تنامشى
بعد سنين يا حبيبى يجوز
أبقى عجوز
والعجوز محتاج لرعاية
حسك عينك تبعد عنى
زمانى يهننى
لما يشوفك مش ويايه
لو ح تشوفنى بأخرف
مش قادر اتصرف
كنت زمان انا احكى واعيد واللى اقوله اعيده كمان
علشان تضحك تبقى سعيد
وما اشوفشى فى عنيك احزان
كان عاجبك منى التخريف
كان على قلبك حلو خفيف
استحملنى خلاص دلوقتى
وانا فى نهاية عمرى ووقتى
ما تملش من قعدة ابوك
كنت زمان ما أنامش وألاعبك
لازم تبقى سعيد بوجودى
ما تحسسنيش ان انا تاعبك
حسك عينك تبعد عنى
وتسيبنى لزمانى يهننى
كون عيني اللى انا شايف بيها
كون عكازى اللى بيحملنى
لو خذلتنى رجولى
مش قادر أصلب طولى
ابقى افتكر انا خت بإيدك
دنا علمت رجولك تمشى
فاكر لما تعبت زمان
عيونى حلفت ما تنامشى
بعد سنين يا حبيبى يجوز
ابقى عجوز و العجوز محتاج لرعاية
حسك عينك تبعد عنى
زمانى يهننى لما يشوفك مش ويايه
كون ويايا وقرب منى فى عنيك شلنى وإستحملنى
كون عكازى اللى بيحملنى
لو خذلتنى رجولى
خواطر الأفندى للكاتب الرائع الجمل الأستاذ سمير الخولى
