الشاعرة/نادية البسيونى
أول ما عينى شافتها عنيك
الدنيا طارت بيا وبيك
حسيت ساعتها انى اتشديت
ولشط بحر عنيك عديت
إحساس أخدنى فى دقيقتين
ومشيت فى ضى عنيك لاثنين
قلبى وقلبك رايحين فين
وحدودنا كلمه من حرفين
يا عيون حبيبى الدنيا تدور
بنهار وشمس وليل ونجوم
مش برضه هى فصول وفصول
ولا هواك طبعه المسحور
خلانى اشوف فى الضلمة النور
الله فى عون قلب المحروم
اللى ما يعرف راحة ف يوم
تايه ما بين الليل والنوم
زى الغريق يترجى العوم
