غادة محمد . تكتب . القواعد العشرون لعدم الزواج ( أدب ساخر )

( اسلام الحامدي )

القواعد العشرون لعدم الزواج !

#القاعدة_الثالثة

(ابعدي عن ابن امه،ابعد عن بنت امها)

عروسة حلوة وتمام التمام جالها عريس حلو ولا في الاحلام لكن ايه اللي حصل وفشكل الدنيا اسمعوا واحكموا
كل حاجة لازم رأي امه هو اللي يمشي حتي في الشقه لازم تبقي علي زوق امه البت زهقت بقي قالتله بص ياابن الناس امك علي العين والراس لكن دي حياتنا احنا وانت كبير مش صغير ولازم تتحمل بقي المسؤوليه قام سبع الرجال قالها خلاص هعرض الكلام ده علي ماما وارد عليك
البنت وصلت لقمة الغضب وقالتله
اطلع بره ياابن………. مش عاوزة اشوف وشك لا انت ولا وش امك يحرقك انت وامك
واتفشكلت والبت اتعقدت وعانست
ابعدي عن ابن امه والدلوع بتاع ماما اللي لسه بينام في حضنها

❤❤❤❤❤
كان ياما كان عريس زي العسل طول بعرض ولا الشاطر حسن ربنا رزقه بعروسه كرهتوا في كل البنات كل حاجه لازم اقول لماما لازم شقه جمب ماما لازم اروح عند ماما
زهق واتنرفز وقال
ابو الجواز على اللي عاوز يتجوز وكره صنف الحريم
ابعد عن بنت امها الله يباركلك يا ماعنك مااتجوزت
كانت معكم
غادة محمد
القواعد ال٢٠ لعدم الزواج