فوقيه خضر
عيد الحب
صباح الخير عليكم ….ياكل اصدقائى ..ويوم
جديد من يوميات مواطن….البت امل بقالها
اسبوع منكدة ع خطبها….وممررة عيشته..
قال ايه عيد الاسمه.ايه……..قال عيد الحب…
روح ياشيخة حبك برص…حب ايه وقلة ادب
ايه…..البت ببجاحتها تقولى ايووووة لازم ….
يجيبلى دبدوب احمر ويجيبلى ورد …ايه ….
النيلة اللى احنا فيها دى طلعوه امتى دة ….
يابت دة انا عمر اسم النبى حارسه ابوكى ..
مادخل عليه بحزمة جرجير ….لاء دة احنا…
ماكناش بنات….افتح التليفزيون….ياااااختشى
الاااااقى الدنيا ضربت حمااااااار واعلانات…..
عيد الحب….الله….دة الموضوع بجد بقااااااا
والاقى الواد حماصة قال جايب لفة ومخبيها
ايه دة ياواد….يقولى دى هدية للبت بتاااعتى
هاااار مش معدى وايييييه هو انا مش عايشة
ولا ايه….دخلت ع اسم النبى حارسه وصاينه
قلت اما دلع فيه شوية يمكن يخلى عنده ….
دم اعملك ياخويا كباية شاااى …مانا لسة …
عامل لنفسى الشاى والكباية جنبى اهيبببه
طب مش عاوز تاكل ياسى ابو امل….جرى …
ايه ياوليه ايه الادب اللى حط عليكى دة…..
هو انت ياراجل ماعندكش البعيد نظر …هو ..
انت ماسمعتش العيال وهما بيتكلموا …ولا …
التليفزيون عن عبد الحب.. .الراجل ياخويا…
تقلش سقتوا كباية زغزغة ….وفضل يضحك..
ييجى ربع ساعة…روح ياخوياااا ربنا يروق …
حالك ….انا النهاردة يابوامل مش عاوزة حاجة تعكنن عليه …انزل ياخويا ربنا يهديك شوف ..
هتجبلى هدية ايه خلي يومك يعدى …انا خالى الطيب حاااضر بدل ماقلب عليك …..
ويبقى يومك مالهوش ملامح…. الراجل يقولى
ياوليه لمى يومك …انتى اتهبلتى …ربنا خلق
عيدين …العيد الصغير ….والعيد الكبير….مالنا
احنا بقااا بالكلام الفاضى دة …..اشمعنى انا..
يادى الراجل …ماكل الناس بتتكلم هو انا ياخويا عجبه…..وانتى ياوليه عاوزة بشكلك
اللى يسد النفس دة اروح اجيبلك هدية ….
بعشه …خماساشر جنية…اخس عليك راااجل
بقى انت مستخسر الفلوس فيه وانا اللى …
مضيعة صحتى وعافيتى عليك انت وعيالك
ان ماكنتش هتجبلى هدية مانيش قعدالك …
ف البيت وهسيبه مطربق…ع دماغك…….
ياشيخة روحى تريحينى منك ومن زنك…..
انتى زهقتينى بصى لنفسك ف المرايا…..
انتى دخلتى ف طابور الحريم غلط….وكلمة
منه ع تلات اربع كلمات منى …وصوتنا ..
عليى…والجيران ..اتلموا….الوليه ام حسين
جارتنا دى تفرح ف اليوم الاسود ..الولية …
بدل ماتهدينى …تقوله وماله يابو امل اهو قل
من الندر واوفى …هات لها اى حاجة وراضيها
وخلاص…الوليه الناقصة هو كان حد حشرهاااا
اما حشااارية صحيح …قلت اهدى الجو شوية
اللى عنده كلمة يلمها…عجبك كدة يابو امل …
خليت اللى يسوى والللى مايسواش بتحشر…
ويدخل بينا….كله منك ياللى تنضربى ياامل…
انا كت ياخويا لاعرف عيد حب …ولا عيد كره
ع العموم كل سنه وانتوا طيبين …واللى فيكوا عندوا دبدوب زياااادة يدهونى ….وماتنسوش
الورد …ولا اقولكوا …وفروا فلوسكوا ..احسن
الكلمة الحلوة احسن كتير من كل دة …ويوم
جميل عليكم كلكمممممممممم…ودة كان يوم
جديد من يوميات مواطن ….بيقولكوا كل سنه وانتوا بالف خير وميعادنا بكرة مع يوم جديد
وصباحكوا بردوا كالعادة ….سكر زيااااادة ……
………. وزياااااااااادة……
