للشاعر :محمد نجيب
عايز ورق وقلم
والحبر يكون دم
واسند ع قبر اخويا
واكتب عن خيبه ما تتلم
واحكي تاريخ بلادي
واغني لربيع بلادي
واقول ديما لولادي
الورد مزروع بالدم
شجر الحب لما كان يطرح
العصفور ما كان بيلاقي العش
الشجر كان صوره والمسكين اتغش
شكلك وحش في الصوره
متلون بمليون وش
مرفوعه الرايه المكسوره
سبحان ضمايرنا المشلوله
وطني وحش في الصوره
“وربيعنا” اكل البهايم
واكيد الكل هنا فاهم
طب كيف نأمنكم ع وطني
والحقيقه وكل شئ باين
طب اللي حب ف يوم وطني
ليه راضيلنا الموت كيف البهايم
ومش هسأل احنا ليه وصلنا لكده
لكن ازاي رضينا بكده
ازاي تبقي نايم ف احلي نومه
وتصحي ع صوت انفجار
ازاي في يوم وليله
بلدك تتحول دمار
ازاي الطفل يقع عليه الدار
ونندبح كيف البهايم
ويرموك في النار
“كيف تبقي عربي وترفع في وش اخوك النار”
