كتبت/انتصارشاهين
متابعة /الحاج احمدالحصرى
أحمد بهجت من ضمن رجال الأعمال إلى أخذت قروض من البنوك المصرية من التسعينات بمليارات الدولارات أيام ما كان الدولار بـ 4 جنيه ، قاموا إيه طرمخوا عليها وعملوا منها قنوات فضائية وصحف وفنادق ،، إلخ وعاشوا حياتهم وياكشى تخرب البلد .
– قام إيه جه الرئيس السيسي وطلب منهم الوقوف بجانب البلد إللى جعلت منهم رجال أعمال وخلت لهم قيمة من خيراتها فتهربوا جميعا على إستحياء ، قام الرئيس أقسم لهم بالله أن إللى أخد جنيه من مصر حيدفعه يعنى حيدفعه ، وقال لهم يلا يا رجالة سددوا القروض إللى عليكم للبنوك وفوائدها علشان البلد مزنوقة .
– قامت الرجالة سلطت كلابهم الضالة من خلال قنواتهم الفضائية وصحفهم ومواقعهم الإليكترونية ، وإتحدوا مع بعض وبدأوا يهاجموا البلد والرئيس تحت شعار “سيب وإحنا نسيب”، ويتصيدوا أخطاء فردية للشرطة والمدرسين وغيرهم ، ويصدروا للرأى العام الخارجى أن مصر ماهى إلا مجرد حرب عصابات وفوضى وبس على الفضائيات بتاعتهم ، ومصورين البلد للخارج على أنها خرابة ، وتعمدوا عن قصد بعدم إظهار أى إنجازات ومشروعات عملاقة تحدث فى البلد رغم كثرتها .
– الرئيس السيسى بإصراره الاوهودعمكم الموروث عن اجداده “بردوا حتدفعوا يعنى حتتدفعوا” .
– قامت الرجالة لعبوا له في غلاء الأسعار في السلع إللى بنستوردها من الخارج والسلع إلى بنصنعها محليا ويقولون “إحنا إللى بنستورد وبنصنع وإحنا حرين نبيع للناس بالسعر إللى إحنا عاوزينه”.
– الرئيس السيسى “بردوا حتدفعوا يعنى حتدفعوا”.
– الرجالة قالوا الراجل ده مش حيجبها البر ، قاموا لعبوا له في الدولار وخلوا سعره من 8,800 جنيه إلى 18 جنيه ، وخلوا البلد تغلي من منتجاتنا في الداخل ومن إستيرادنا من الخارج ، وطبعا على أمل منهم أن الشعب هو إللى حيشيل الشيلة ويهيج عليه ويعمله مشكلة وهما يرتاحوا منه .
– الرئيس السيسى “بردوا حتدفعوا يعنى حتدفعوا” وكل جنيه إتاخد من البلد حيرجع ، ويلا بقى يا رجالة جهزوا نفسكم والدولار إللي أخدتوه فى التسعينات بأربعة وبخمسة جنيه ولعبتوا فيه دلوقتى ووصلتوه لـ 18 جنيه ، وكنتم عاوزين تحرجوا الدولة والرئيس أمام الشعب “طيب يلا إدفعوا إللى عليكم”، والدولار إللي أخدتوه بـ 4 جنيه حترجعوه دلوقتى بـ 19 جنيه .
– يعني يا أحمد يا بهجت يا بطل الـ 3 مليار دولار لما لهفتهم كانوا بـ 122 مليار جنيه مصرى ، النهاردة حترجعهم بـ 57 مليار جنيه مصرى .
– يعنى باقى الشلة إللى على شاكلة أحمد بهجت حيرجعوا للبلد مبلغ 22 تريليون جنيه مصرى ، وكله ببركة لعبهم في الدولار لإحراج الرئيس السيسى أمام شعبه ، وببركة الرئيس نفسه هذا الرجل الواثق والمؤيد بفضل الله .
– يلا يا رجالة يا حلوين جهزوا نفسكم ، وأدعوا ربنا أن الدولار ينزل على ماييجى الدور عليكم ، وأنا شخصيا حدعو ربنا على ماييجى الدور عليكم يكون الدولار وصل لـ 100 جنيه وأكتر .
– أنتم عارفين أنتم بتلاعبوا مين يا رجالة ،، أنتم بتلاعبوا المعلم الكبير عبد الفتاح السيسى ، فياريت بلاش تلعبوا مع المعلمين الكبار مرة تانية “وحتدفعوا يعنى حتدفعوا”.
