شعر : منال راتب
كل يوم قصة ورواية
ولا لقية لظلمك نهاية ومبتعلمش
عايش لية تملى في غرورك
لا وراسم عليا دورك
وانا لسة بصدق امورك ومبتعلمش
لية قدامك بضعف اكيد
ومعاك لانا عارفة اعيد ولا ازيد
وبتقسي وتظلم كتير وانا برضو مبتعلمش
انا مش بنكر اني حبيتك
وبكل قلبي وروحي هويتك
وانت اخترت تعيش جبروتك وانا منك مبتعلمش
لية دايما في الدنيا مصيرنا
اللي نحبه يكسر بخاطرنا
واللي حببنا وروحه في ايدنا
مش شايفينه ولا حاسينه
ودايما نجري ورا اللي تاعبنا
وبهجره وظلمه مدوبنا وتملي مبنتعلمش
