عايزين تعرفوا مين هو السيسى اقرأوا للآخر وأتحدى أى حد يكذب حرف واحد

 كتب : على الجزار

اعداد : عادل شلبى

تعرض لأكبر وأضخم حملة تشويه فى التاريخ إتشتم وتمت السخرية منه من شركات ميديا ومؤسسات إعلامية عملاقة وتحمل ومازال يتحمل ما لا يطيقه بشر على نفسه أو على أهل بيته وعمره ما رد بشتيمه أو إساءة واحده رغم كميه الألفاظ والألقاب الساخره الى صدرت ومازالت بتصدر من حقراء كتير عايشيين وسطينا وبنشوفهم يوميا

إستلم البلد وماكنش حد يجرؤ إنه يمشى فى الشارع بعد الساعة 7 بليل كافح الإرهاب وصمد أمام مخطط شيطانى لدول عظمى كانت عايزه تفتك بالبلد دى وتقسمها دلوقتى بفضل الله رجعت بقت دولة الأمان تانى والسياحه الى كانت محجوبه عنك رجعت تجيلك تانى من جديد

وسيادتك حاليا بتتحرك بحريه بقيت تنزل الشارع الفجر تجيب حاجة ساقعة وسجاير وتقعد تشم هواء انت ومراتك كمان

إستلم البلد وفيها أعلى نسبة إصابة بفيروس C فى العالم لكن النهاردة بكل ثقة مصر أبهرت العالم بعلاج ما يقارب مليون ونصف مواطن من المرض ومازال المسح الشامل شغال بحملة 100 مليون صحة وبالمجان واللى مافيش زيها فى العالم كله بالمناسبة

رفع تصنيف الجيش المصرى ووصل بيه لأعلى عشرة قوى عسكرية على مستوى العالم عمل ما لايقل عن 11 ألف مشروع فى 5 سنوات ومازال بيستكمل ومافيش ولا مشروع منهم مكتوب بإسمه ولا فيهم حاجة تشير إليه من الأساس

كلها مشروعات لخدمة الناس وبتوفر عليهم ملايين أول رئيس بعد 40 سنة يقتحم ملف العشوائيات بكل جرأة ويحل المشكلة من جذورها ويمحى العشوائيات من على الأرض

إستلم البلد وهى متجمد عضويتها فى الإتحاد الإفريقى ومطرودة حرفياً من الإتحاد النهاردة مصر الرئيس الرسمى والممثل الأول عن قارة إفريقيا إستلم البلد وتقريباً معظم دول الغرب بتشتمه وقاطعة العلاقات أو التعاون مع مصر النهاردة بقوا هما إللى بيجروا ورا مصر وبيدعوها فى أكبر وأضخم المحافل والمؤتمرات العالمية واصبحت شريك رئيسى مع الكبا🌠

إستلم البلد ديه والإحتياطى النقدى لا يتعدى 13 مليار دولار والنهاردة الإحتياطى هيكسر حاجز الـ 50 مليار دولار
إستلم البلد إلى خربانة حرفياً من الناحية الإقتصادية ورفع قوتها الإقتصادية ورفع الإحتياطى النقدى وقام بتسديد ما يقرب من 30 مليار دولار دون أن يشعر مواطن واحد بالسداد

إستلم البلد وهيا عليها 6.3 مليار دولار مستحقات ومديونيات لشركات البترول الأجنبية وسدد ما تعادل قيمته حتى الآن 5.3 مليار دولار ويتبقى 1 مليار دولار فقط دون أن يشعر أحد فضلا عن تسديد 7 مليارات دولار ديون الحكومه العميله لدولة قطر

السيسى رجل شريف وعظيم ومحترم وبيشتغل تقريباً 24 / 24 ساعة وعمره ما إشتكى ولا طلع يقول أنا تعبان ومش قادر
راجل مش محتاج منك تأييد شخصى ولا عايز منك تطلع تهلل وتطبل مطلوب منك بس إنك تخاف على بلدك وتبقى متأكد إنه الثقة الى شوفتها فيه فى محلها

بيمثلنى وأنا حرفياً واثق فيه جداً وفى نبله وأخلاقه لأنى شوفت بعنيا معنى رئيس دولة بيسمع إهانته بودانه ويشوفها بعنيه على مدار 7 سنين وبرضه بيكمل شغل بكل شغف وإصرار لأجل كل واحد فى البلد (مؤيد ومعارض)

ولو عايزين نفهم أكتر
اربعة خطوات تلاشاها مبارك و وقع فيها السيسي هي السبب الرئيسي للحرب الضروس على مصر من الخارج و عملائهم بالداخل :

1- تعمير سيناء و ربطها بالغرب و نقل و توطين البشر و التنمية بداخلها، لان ده بيخلي الحلم الصهيوني اصعب و اصعب من زمان.

2 – البدء في اقتحام مناطق الطاقة – الغاز الطبيعي – في البحر المتوسط ما ينهي حالة البلطجة البحرية الاسرائيلية و الاطماع الغربية في خط غاز يمر عبر اسرائيل لتغذية اوروبا.

3- السير في اتجاه تحقيق اكتفاء ذاتي من القمح ما يخرج مصر من حسابات السوق كاكبر مستورد للقمح في العالم.

4- التوسع في تسليح الجيش المصري و تنويعه و تقليص اعتماده على المعونة العسكرية الامريكية الى ادنى مستوى ممكن للحفاظ على العلاقة الاستراتيجية مع ضمان انعدام التبعية.

اللي هيسند مصر معاك يا ريس في المعركة دي هو المصري الشقيان المطحون الغلبان اللى رغم كل ذلك مازال بيضحي و يتحمل زيادات الاسعار، مش اللي عايز يتعالج على حساب الدوله ويتهرب من دفع الفواتير ويعيش عاله وهو مرتبه رقم باربع اصفار ولا اللي بيلطم عشان جنيه زيادة في تذكرة المترو
انا_أعرف ناس ما يحتكموا في جيبهم علي 300 جنيه .

ومع ذلك بيكتبوا بوستات في حب البلد وكُره أى حد يمسها بسوء وعمرهم ما نطقوا حرف يعبر عن غُلبهم .
ولا عن حالتهم الماديه الضنك .. وظروفهم صعبه جدا .
المجد كل المجد للعظماء الوطنين