كلمات الشاعرة الغنائية منال راتب
لما كل حاجة حلوة تختفي مني في ثواني
عادي
لما اعيش احلم ببكرة وبكرة عمره ما جاني
عادي
لما اكون عايشة في سعادة والفرح صعب في زماني
عادي
لما املي الدنيا بهجة والدمع مالي عيوني
عادي
لما اضحك ضحكة حلوة افتكر مر زماني
عادي
لما احس اني حكاية قصة حلوة او رواية والقدر يختار نهاية
عادي
لما كلمة حلوة منه قادرة تغير حياتي
عادي
لما اكون نفسي اتكلم والكلام رافض يسبني
عادي
لما يدق قلبي دقة اجري افتكرها فرحة الاقيها خيال وحلم
عادي
واية في حياتنا مبقاش عادي
جرح غدر حزن عادي
واللي فعلا مبقاش عادي اني احس طعم الفرحة وارجع واقول
فرح حب سعادة عادي
