بقلم… سعيد ابو سالم الحنبولى
طالب من قلبى يسامحك
بسهولة ينسى جرحك
ويحن وتانى يصالحك
ما اظنش قلبى هايقدر
قلبى اللى بينبض حبك
واتمنى يفضل جنبك
بعد ماطعنتة بهجرك
يغفر وتانى يسامحك
يرجعلك انا مش هاقبل
انا ياما طاوعت قلبى
تغدر وتانى ترجعلى
أسامح وانسى جرحى
أجرى اضمك لحضنى
المرة دى مش هقدر
انت اللى اخترت البعد
بقى صعب رجوعنا لبعض
كل اللى مابينا اتهد
ولا عادش لا شوق ولا ود
مبقاش فاضل غير عند
صدقنى الهجر بقى اكبر
من شوقى ومن احساسى
وخسارة فيك اخلاصى
قلبى الطيب بقا قاسى
وإتعلم من قلبك يهجر
عودته يعيش من غيرك
علمته ميبقاش طيرك
جرحى بقا يرضى غرورك
وجاى تطلب تقديرك
تملك قلبى تانى فى ايدك
المرة دى مش هاغفر
إرجع خليك فى مكانك
قلبى مبقاش علشانك
نسى حتى عنوانك
إتعود على هجرانك
مبقاش فيك لحظة يفكر
صدقنى بلاش تانى ترجع
راح تسمع منى كلام يوجع
علشان مابقاش ينفع
فيك حتى تانى افكر
ولاعمرى تانى راح اقدر
لحياتك قلبى هايرجع
