كتب:حسام داود
مابقتش فارقه خلاص معايا
دى حياتى عندى زى موتى
مادمت ميت وسجانى ميت
طب يبقى إيه فايده سكوتى
وليه أخاف من بطش ظالم
فى الحق لازم أعلى صوتى
لو سنين العمر يدوب دقيقه
لازم أعيشها كلها وأنا إنسان
لو شهدونى هاشهد بالحقيقه
مش هعيش لو ثانيه فيها جبان
الناس مابتفتكرش اللى سكتو
وبتفتكر كل ثاير فى أى ميدان
الناس بتفتكر الأسود بعد موتها
بس مين بيترحم مره ع الفيران
يبقى إن مت أموت أسد بكرامتى
ولا أنى أعيش دنيتى فار ومتهان
ولو فضلت ساكت زى اللى ساكت
مين هيجيب حق الناس اللى ماتت
ولو صوت الحق جوايا فضل مكتوم
طب قولى مين يرجع الحق للمظلوم
وقوللى لو كلنا سيطر علينا الخوف
ولو كلنا عميان مين للطريق هيشوف
وإن سكتنا النهارده على ظلم حد غيرنا
تأكد إن بكره فى الظلم هييجى دورنا
يبقى لازم نبقى واحد مفيش مابينا خلاف
نواجه كلنا الظلم ونقسم مع بعض خيرنا
