بقلم / سعيد الزينى صوت الام بينادى اين انتى يابلادى صوت الام فى الصدور بيجلجل القبور صوت الام فى الشوارع بيزلزل البيوت
صوت الحب بينادى من قلب ام بتناجى
تدعى لله فجرا بان حالنا يصبح نادى
بتنادى على كل من كان فى اى مكان
قوم واتكلم انت بتتعلم لسة نايم بتتكلم
اصحى وامشى وانت توصل
مش فى مكانك تتحقق احلامك
قوم وصلى فجرك وانت يتفتح رزقك
ادعى يوسع فيه وزيل همك
ادعى يزيدك سعادة ويبارك فى عمرك
ادعى بان مصرنا يرضى عنها ربك
ويرفع عنها كربه ويخلصها من المفسدين
ويهدى بيها اولادها اللى سبب فى صلاحها او خرابها
امى حبيبتى سبب فى وجودى
انتى كيانى وسر سعادتى
امى لا تعوض باى امراة فى حياتى
امى الحنونة امى الكتومة امى خدومة بلا مقابل
امى حبيبتى كنتى فى حياتك خدامة لاولادك
واليوم فى دار الحق ربى راض عنك
امى ياسكن لنا ياجنتنا فى دنيا الخوف والفزع
كنتى سندنا وقوتنا فى طفولتنا والحنان والدفء والامان
كبرنا واصبحنا اباء واخواتى امهات وجد نكون اجداد
ذهبتى وبعدتى ومازلتى فى وجدانا وقلوبنا نشعر بيكى ونحس انفاسك
وصوتك ما زال دوانا يصحينا كل صبح وابتسامة على وجهك
امى حبيبتى فى ذكراكى السنوية اول عام نعيشه وانتى بعيدة عنا
راحت سعادتنا وبسمتنا واماناواصبح للفراق مكان
امى حبيبتى ذهبتى وتركتينا لدنيا اشتدت علينا بعد فراقك
دنيا ما كنا حاسين بيها فى وجودك
امى حصن الامان حب وحنان
امى مصر صوتك يجلجل كل الاوطان
وطنك يحضن كل البلدان
انت وطن فى وطن لكل انسان
وطن يسكنا ولن نسكن على اراضيه
وطن يحمينا رغم مقاسية واحلامه اللى ضاعت فيه
وطن من كثرة الامه واوجاعة تمزقت اراضيه
وزادت اكلى لحمه وحتى من ابنائك بينهشوا فيه
مصر الحبيبة مصر وطن يسكن فى قلوبنا ولانسكن فيه
