شعر / عاصم السمان
الله يا ارض الوطن
طال البكا فيكى
لما بشوف الألم
متخبى ف عنيكى
عرقى بينزف مطر
وبدمى برويكى
مين اللى قال يا مصر
ترخص اراضيكى
***
مع كل طلعة أمل
بطلع انا بفاسى
فلاح ف أرضك انا
يا مشعشعه براسى
بزرع جناينك رطب
واكتب ف كراسى
اسمك على صدرى
حبك ف انفاسى
مين اللى قال يا مصر
ابنك يكون قاسى
من صغرى عاشق ترابك
وأسبح انا ف نيلك
وان زاد على البكا
ببكى واغنيلك
واضرب بفاسى انا
واللقمة من خيرك
وحيات عيون الوطن
خدام انا فيكى
مين اللى قال يا مصر
ترخص اراضيكى
ـــــــــــــــــــ