صرخه قلم .. واغتصاب طفل 

بقلم /بركات محمود المصري 
طفل زي الورد ميعرفش حاجه في الدنيا كله مرح وحيويه .. اعرفه شخصيا لأنه اخو زميله لي بيعتبرني في مقام خاله او اخوه الكبير لما يتعرض للاغتصاب بوحشية من شابين اقذار والله المغتصبين معاهم حق يعملوا اكتر من كده مادام فيه قوانين عقيمه مهلهله بتحكمنا وياما كتبنا عن تعديلها لكن دون من طين والتانيه من عجين ..

يقول لك يتحول للاحداث مش حبس أو اعدام ليه لان سن المتهم صغير..
فيه ايه ايه اللي بيحصل فينا غلاء وقرف وساكتين إرهاب يقتلنا واحنا بنصلي وساكتين لكن تغتصب نساءنا وأطفالنا والأخر الجناة يتحبسوا أو أحداث …ليه ؟؟؟

يا واضعي القوانين استحوا علي دمكم شويه … ارهابيين وقتله وإخوان بيتعلفوا زي البهائم جوا السجون …. مغتصبون بيتعلفوا ليه ؟؟؟

إعدام إعدام إعدام لكل مغتصب وقاتل وارهابي مهما كان سنه … حرام الحقونا قبل ما نفقد الانتماء للبلد دي اللي منعرفش غيرها الله يخليكم ولا بتعاقبونا علشان حبنا لها