صرخة عربات الحلال في زمن الكرونا استغاثة شباب لمحافظة بني سويف بكلمة (اغيثنا يا د.محمدهاني) كتبت/ صفاء سمير
نجحت مجموعه من شباب الخرجين بجامعة بني سويف في كسر روتين طابور انتظار الوظيفة (الميري) واقدمو على إقامة مشروعات لتقديم الوجبات السريعة من مأكولات وفطاير وحلويات ومشروبات بأسعار مناسبة داخل كرفانات حضارية تضاهي مثلايتها بأمريكا وأوروبا وهذا كله في ظل أومر الرئيس السيسي بدعم ومساندة المشروعات الصغيرة
وبعد نجاح سنين
فوجئ هؤلاء الشباب بضياع أحلامهم ورزقهم ومصدر الرزق الذي على لسان هؤلاء شباب يعمل ويفتح أبواب رزق لشباب كثير لاحيلة لهم ولا مصدر لهم الا الحلال..
يروي احد الشباب
السلام عليكم
انا الصراحه هتكلم في موضوع وده مش اول مره الناس تعرفه بس فعلا حاجه تحزن جدا وفعلا الموضوع المرة دي مختلف عن كل مره لان انا وشباب تاني حاسين بمعاناه وحرب ممكن يكون لناس تاني عادي بس لينا مسئلة حب وكره في العيش الحلال مش عارف ابتدي منين ولا منين وهل زي كل مره موضوع ورايح لحاله والا هيقراء كلامي هيبقي عادي زي كل مره بس دي اخر رساله ممكن الواحد يناشد بيها نفسه والناس اللي فعلا بتحب تساعد الناس الموضوع ان مجموعة من الشباب كل واحد فيهم اجتهد انه يعمل كيان لنفسه ويستقل بحياته وعاوز يبقي دايما فكرة بره الصندوق ومش حابب يحمل علي البلد وهي منهكة اقتصاديا والموضوع ده رئيس الجمهورية كان داعم ليه ولكن دعم محتاج دايما وابدا الاهتمام المجموعة دي من الشباب كل واحد فيهم عرف يتصرف ويداين ويعمل قروض علشان يعمل مشروع يعرف ياكل منه عيش وينفع بيه شباب تاني ياكلو منه عيش وتبقي حلقة خير ليه ولبقية شباب تاني
والمشروع ده كان عباره عن عربيات الاكل والشرب المتنقله
اللي كتير من الناس عرفاها موجوده في محافظتنا اللي اتخطط ليها غلط كان الهدف منها رساله بس لرئيس الجمهورية ان احنا كمان محافظة بتساعد الشباب بس اما اسلوب تخطيط صح وتنفيذ صح مكنش فيه الكلام ده غير القصد منه الشو الاعلامي بس واحنا كا شباب مش هممنا غير كل واحد فينا يبني احلامه اللي كل سنه بتبقي مهدده بالانقراض وكأن فرض علينا لازم نميل نبوس احذية المسئولين علشان يرضو علينا والله علي حساب كرامتنا جميعا وعزة نفسنا علشان بس لقمة عيشنا وكالعاده بس السنه دي غريبه من نوعها لان اصبح الاهم عند المسئول انه يتخلص منها بدون حلها علشان مش حابب يوجع دماغه وتاني حاجه مش حابب يكون مسئول ويبقي في وش المدفع ويتحاسب وسبحان الله المسؤل ده لو مكنش قد الكرسي اللي هيتحاسب عليه قدام ربنا يسيبه لناس تاني تكون قده ولكن لا حياه لمن تنادي المره دي التهديد لينا كشباب اتوقف علي حجات كتير حب الوطن واكل العيش الحلال او كره الوطن واللجوء للحرام لان بجد محدش مهتم بينا وبالمعاناه والله والله معاناه ونفسية شباب محطوطه تحت احذيه المسئولين ولازم وغصب عن الشباب ان ترضي وتذل نفسها علشان الموضوع يعدي ونعرف نعيش عيشه والله مليانه ذل وقلة كرامه
كل القصه محتاجين والله دعم ممكن الناس اللي بتقراء الموضوع ده تشوفه عادي وممكن يكون مش مهم بالنسبه ليه بس المشكله انك ممكن تكون في يوم من الايام واحد مننا وبتعاني ومحتاج دعم وناس تقف جنبك ان الله في عون العبد ما دام العبد في عون اخيه بجد محتاجين حد يقف معانا ويسمعنا ويفضل مهتم لحد ما معانتنا تنتهي ميكنش تيلفون يتعمل في المكتب مسكن للشباب والمحليات تتحكم فينا براحتها انا صعبان عليا نفسي لما يكون ظابط نفس عمر الشباب اللي موتت نفسها علشان تاكل عيش وهو بكل بساطه ياخد تعبهم وشقاهم ويبعترو علي الارض مجرد انه بينفذ اوامر وترجع تجري عليه علشان خاطري يا باشا ابوس ايدك يا باشا حاجتي يا باشا اللي تعبت وهتحبس من الديون علشانها والباشا اللي نفس سن الشباب ولا بيسمع ولا بيشوف غير اوامر وترجع الشباب بتبقي ناقصه تنتحر من الذل وقلة الكرامه والله الشباب محتاجه حد يسمع ويحل بناشد كل مسؤل اتعب شويه واسمع وحل حل يرضي ربنا ويرضي الشباب مش يرضي منصبك والكرسي احنا تعبانين شاب منا انبارح كان هيولع في نفسه وفي عربية الاكل اللي بياكل فيها عيش هي وشباب تاني يا مسؤلين اسمعونا من فضلكم بلاش تعقدو لينا الحل اللي حابب بجد يدعمنا ينشر قضيتنا في كل مكان احنا مجموعة شباب واقفين بعربيات متنقله في منطقة واحده وهي الاباصيري محافظة بني سويف كما اضافو أيضا انهم شباب من حاملي مؤهلات عليا وذات مكانه عالية من علم وخلق واصل طيب ولايحتاجون. الا إتاحة الفرصة لهم لكسب العيش الحلال على عربات الحلال ومنذ اعوام كانت تكتب عنهم الجرايد وعن نجاحهم في محاربة البطاله ماذا حدث الان سؤال يط ح نفسة من ثبل هؤلاء الشباب شباب عربات الحلال
وهم بيناشدون
بناشد محافظ بني سويف
بناشد رئاسة الوزراء
بناشد رئيس الجمهورية
