اتصل بى صديق عزيز بعد ان باتت اللجان الانتخابيه خاويه على عروشها فسرد علي نقاشا من فتره قصيره الى ان تذكرت اننا كنا
فى مقهى شعبى بمصر جالس انا وصاحبى المحامى (موحانك كومبيلكس الدفعه)كما نطلق عليه فتناقشت معه فى حال البلد..وسالته بصفته من اشد مؤيدين الرئيس عبد الفتاح السيسى..(اللى ليه حق فى البلد دى هياخد حقه ازاى؟ وبطبيعه عمله مدرك عيوب القانون المصرى الكثيره فقال لى بيقين تام..استنى مجلس الشعب..فقلت له ياااه دى هتبقى اهم انتخابات بس للاسف بدون ناخبين قال لى ازاى ؟بص ياسيدى دا اول مجلس للنواب بعد العمل بالدستور الصادر في 18 يناير/كانون الثاني 2014 من 568 عضوا ينتخبون بالاقتراع السري المباشر ويجوز لرئيس الجمهورية تعيين ما لا يزيد على 5% من الأعضاء، ويكون انتخاب مجلس النواب بواقع 448 مقعدا بالنظام الفردي و120 مقعدا بنظام القوائم المغلقة المطلقة وفسرت له ان المقاعد الفردية التى تمثل الأغلبية الكاسحة (420 مقعدا من 568) يهمها استرضاء الحكومة بكل السبل. أما مقاعد القوائم التى لن تزيد على 120 مقعدا، فهى لأحزاب ضعيفة فى مجملها أغلبها يستمد شرعيته من رضا الحكومة بأكثر مما يستمده فى تأييد الشارع.. يعنى المرشح اللى هينجح مش هيقدم لك خدمه عشان نور عنيك اللى جاى لازم يكون يمين عشان ينجح لان بلدك مفيهاش يسار الا من رحم ربى .لان فى العموم مفيش معارضه فى مصر ..
رد مستغربا..مكنش فى حد خالص فى الانتخابات..قلت له عشان جلهله..فى طريقتين لجذب اى انتخابى .افتتاح مطعم وعمل وجبات مجانيه بجانب اللجان او تعميم سياسه الهوت شورت لكل فتاه امام اى لجنه..واين اغنيه حسين الجسمى للانتخابات؟
