بقلم/ رأفت الشاعر
لاني مش حاسب حساب
ولا حافظ الاسم في كتاب
عنوان مدينتي في الخلا
الرسم غاب ومسك
ف مفصلها العناد واللي جرى
اصل الحكايه م البداية ع الورق
حق اتحرق مابين روتين الانتظار
وبين شهيق الاحتضار الخوف برق
بُص لملامحك في الكتاب
اخنق ازيز الإكتئاب …..
دق الوتر واسمع نغم صوت الضمير
واعبر رصيف الذكريات
واطلق قلوعك للهوى
لو يوم لمحت البخت مال تبقى السبب
البخت مش صعب المنال
جوه مراية عمرنا نشوف شحوب الاحتضار
بيلف شريان الحياة
لو يوم عنادك راح يفيد طب ليه نقول
فعل النصيب هو السبب
حبيبى عود
حبيبي عود * كأني تهت في العنوان ولون طيفك معادش يبان ولا قمرك يبات سهران قوليلي هي دي وعودك وليه وردك حطب على عود ما كنت زمان اغنيلك وارن العود وكنتي معايا بتغني لرن العود انا النساك في محرابك انا العايش في اهدابك انا لسه برن العود بنغمة شوق حيرانه ونقش الحنه على ايديك كأنه نشيد بيتغنى في يوم العيد مع الفرحه كأنه لوحه فى طبيعه لورد خدود سافرت معاكي في الاحلام وكان حلمي يزيدني هيام ولهفة قلب مشتاقه بتحكي كلام حبيبتي يامركب الحيران حبيبتي ياواحة التعبان اناديلك على عودي والاغي الورد في خدودك بهمسة شوق بتدعيلك ولهفة قلب تناديلك حبيبي عود حبيبي عود حبيبي عود بقلم / رأفت الشاعر
