شكرآ يا بحر على الي عملته في ضنايا موجك رماه ع الشط وتمناله سلاما لا عين شافت ولا حد لحق ضنايا شهيد يابني لا حول ليك ولا قوة
ولا فيه حاكم ولا مسئول عنده شجاعة وقوة
يمسك ذمام الأمور. ويقول ححميك يا ابني بالقوة
دي لا قوة ولا شجاعة تمنع دموعي السايلة
ولا قادر احمي اخوك من إلى صابك ولا عندي قوة
كل اخواتك في بلاد العرب شافوا اهانه ومذله
إلى مات في حضن أبوه برصاصة سودة وجبانه
وإلى مات تحت سقف الدار قبل ميقول حتى كلمة
وإلى مات محروق في النار. وإلى متعرفش ليه جثه
شكرآ يا بحر بعتلي ابني اكفنه بأيدي ولقبره انا ابني
فين الشهامة والرجولة والزعامة راحت والله يا ابني
يا إنسانية فين أهلك وناسك. وليه الكل برجله داسك
ماتت وراحت وماتت معاها الكرامة
ازاي تعيش الخلق بدون مكانه وكرامة
كرامة شعوبك يا أوطاني أساسها سلامة ولادك
مين إلى جابك ومين إلى شافك ومين إلى خدها منك
وخلاكي عايشه بدون شهامة وكرامة يا أوطاني خسارتك
فوقوا يا خلق. إلى صاب ضنايا ماشي ورايا يحفظ خطايا
علشان يوصل للكبير قبل الصغير ويهلل ويقول تكبير
على الشهامة والكرامة والعروبة احنا انتصرنا
فوقوا يا خلق لحمكم بيحلي كل يوم لاكلة لحوم البشر
عرضكم بيستباح كل يوم مسا وصباح لذئاب البشر
شكرا يا بحر عرفتني مين انسان ومين من كلاب البشر
