بقلم :ايمان مصطفي
طرح الحلم
أنا القلب اللى دابت كل
أحزانه من التكرار
ليلاتى نهار و باستمرار
ولا تهدى عواصف جرح
مليانه آهات ومرار
ومتحلى بأنّاتى..اللى مسحوبه بموج غدار
وغرقانه ملامح فرحى مش باينه
وباينه منى ترنيمة هوا صَابْحة
بتشفعلى.. وبتحايل.. قدر قادر
مفيش منه ولا ..مخرج
ولا حتى دقيقه فرار
وهدهد قلبى تفكيره
وطار طيره
ونادوا ملايكة الأحلام
أمرها والقمر ظاهر
بتوب طاهر
تصاحبنى وتصحبنى
ليلاتى ويا نجماتى
وتهدينا فرح طارح
وطرحُه لما شافه الحلم
قام صلى تلات ركعات
وسبح بسم معبوده
وقام تانى شكر جوده
وراح بَانى قلاع من ود ربانى
وحصنّها بلا أسوار
ومن يومها
أنا والحلم والذكرى واحزانى
فى صوره شكلها تانى
ولا يمكن على بال الزمن تُخطر
يامحلاها ومحلانى
قصايد
من بيوت كامله
بلا أحبار
