شئ مؤقت

بقلم : وحيد القرشي
كلمة صدمتني في حياتي شئ مؤقت
وفي شرع مين لما تبقي كل حاجة شئ مؤقت
نحكي البداية والبداية عندي أنا زي ما أنا
والنهاية زي البداية مش مؤقت
وفي شرع مين لما الحلال والحرام شئ مؤقت
و الحب بينا شئ مؤقت
والصداقة شئ مؤقت ,والمحبة شئ مؤقت ,والسلام شئ مؤقت ,حتي الكلام شئ مؤقت
الحب سر لو أتعلن يبقي حلاله شرع ربي
أما المؤقت كله حرام ,محتاج لتوبة مع عودة للضمير
والظروف ما كنتش تسمح ,كدبة تانية ,شئ مؤقت
والصداقة يعني صدق مش نفاق جوه كدب
مش مجاملة ,علشان معاملة
علشان حاجات ممكن تضيع مع الزمن
الصداقة مع التاريخ ,عمر بينا للنهاية
أما المؤقت ,مش صداقة ديها تفاهة
ومصلحة مع النفاق ,خوف وقرب للسيادة و الوجاهة
فاكر يا صحبي لعب العيال في الحارة لما يتجمعوا وفي لحظة واحدة يتفرقوا
وتاني يوم يتجمعوا ويتفرقوا ,بينهم صداقة مع الطفولة والبراءة ,مش مصلحة
لما كبرنا ,بقيت حياتنا شئ مؤقت
وفي شرع مين لما تبقي كل حاجة شئ مؤقت
بعنا ضميرنا ,بعنا حبيبنا ,بعنا صديقنا,علشان فلوس مع النفوذ
علشان نعيش بيها شئ مؤقت
حاجة تفحم ,حاجة تحزن ,حاجة تبكي
الأ جوه قلبه ضمير أنسان ,قلب واعي ,قلب صاحي كله حب .
عايش وسط الديابة و الذئاب و الأ فاكرين أنهم كل حاجة
كلاب بتنبح في الصباح وي المسا ,محتاجة لقمة من القمامة كانت زيادة
روحوا لمكانكم وسط الزبالة ,واتعلموا درس الحياة
أن المؤقت شئ زبالة ,مصيره يوم وسط القمامة .
أما الاساسي في الحياة ,ضمير واخلاق البشر
والفرق واضح بين المؤقت والاساسي ,بين الزبالة والحياة
بين الكلاب الا بتنبح في الصباح وي المسا ,وشخص واعي محب لغيره والحياة
عايش حياته بضميره الانسان
اتعلموا مش كل حاجة في الحياة شئ مؤقت
كلمة صدمتني في حياتي شئ مؤقت