بقلم / خالد الترامسى
النائب عبد الله لاشين، عضو مجلس النواب قال إيه يا رجالة ” أنه يبدى انزعاجه من أزمة تحدث فى كواليس مجلس النواب هذه الأيام، وهى أن هناك وسايط ومجاملات وعدم عدالة فى توزيع تأشيرات الحج التى حصل عليها البرلمان من سفارة السعودية بالقاهرة لأداء نواب البرلمان وذويهم فريضة الحج هذه العام ، كاشفًا أن ما حدث هو أن بعض النواب حصلوا على أكثر من ١٠ و ٢٠ تأشيرة دفعة واحدة، فى حين أن نوابًا آخرين لم يستطيعوا الحصول على أى تأشيرة لأى فرد من أسرهم ”
طبعا أنا هقول ليكوا مين السادة النواب إللى مخدوش تأشيرات وده مجرد إستشفاف .
_ المعلمين إللى مربيين دقنهم وطويلة قوى تحت القبة لزوم الديكور ول أكيد أول ناس مخدوش ، إيه بتقولوا خدوا ؟ طيب ليه ؟ أه عشان دول بتوع فَتَة ، أه وجهة نظر برضوا وبصراحة الناس المشايخ دول وخاصة لما مبيبقاش عندهم،،،،،،،،،، ولا على إيه ربنا يسترها عليهم دنيا وأخرة .
_ الأخوة المسيحيين ، ده من رابع المستحيلات إنهم يخدوا تأشيرات حج يعنى ، إيه ممكن يخدوها ؟ طيب ليه ؟ أه ، طيب قول كدة من الصبح ، بس إنجيتوا للجد وماله الواحد يعمله مصلحة ، دا الدنيا مصالح .
_ الأخ مرتوضة حبيب قلبنا ، صعب يدولوا ولو حتى تأشيرة واحدة ، إيه ؟ معندهوش تفاهم ممكن يُشْ” ، ُ ” ر للسيد رئيس المجلس ، والله يا جماعة يعملها ، دى غير مستبعدة ، هو بيهموا حد ، دا تلقيه على كدة خدلوا يجى ٧٠ تأشيرة .
لكن ليه السيد لاشين فتح الملف ده ، أه ، الرجل مشي ” بمبدأ فيها لأخفيها ” ، أصل إيه أرسل إلى أمانة المجلس وإلى الموظف المختص خطاباً للحصول على تأشيرة لأسرته، إلا أنه فوجئ بالرد من خلال المندوب، أنه لا توجد تأشيرات وأنها انتهت ولم يعد هناك بقية، فاتهم القائمين على الأمر بالمحاباة ومجاملة بعض النواب ومنحهم عدد كبير جداً من التأشيرات، فى حين أن نواباً آخرين لم يحصلوا على تأشيرة واحدة أه يا بلد عاوزة ولد ومجاش الولد عشان كدة الدنيا ماشية سبهللة حتى فى أعظم شعيرة إسلامية .
لكن أنا متغاظ ، هو السادة النواب إللى أقل واحد بيمتلك يجى ٧٠ ولا ٨٠ مليون جنيه إن لم يكن دولار فقراء عشان ياخدوا تأشيرات بلوشى ، طيب ينفع الكلام ده ، طيب فى حد من السادة النواب هيفجر لنا حاجة تانية يكون السادة النواب أولاد المحظوظة بيخدوها بلوشى .
نصيحة إلى السيد رئيس المجلس الموقر ، حينما تقوم بتوزع كشوف البركة قم بتوزيعها قسمة عدل على الناس المساكين إللى عندك عشان ميطلعلكش واحد ” سلاية ” يفضحكوا .
