بقلم : جلال سليمان سكوت ما بعده سكوت العمر بيعدي وبيفوت ومفيش تغيير ايام ورا أيام احلام كلها أوهام ومفيش تقدير بندور ع السعاده وبنتعب بدون أفاده ومفيش تأثير وتيجي ناس تتكلم وناس تانيه بتتألم ومفيش حاجه هتتغير وقلوب للشر بتتدير ومفيش تفسير غير أن الرحمه انعدمت ومشاعر كتير انقسمت وتاه الخير طب حد يقولي حاجه غير الكلمات المعتاده والا مش شاطرين غير ف التدمير وأشخاص مالهاش غير أن تنقد والأدهي كمان أنها بتوعد وهما ف الأصل أساتذه ف التحوير وبني آدمين ف شكل ملايكه يوم معاك ويوم عليك من بره بس مرايا لا تفرق معاهم ضحايا المنظر بس انسان واحساس بقلب شيطان الحقد عندهم موهبه شطار ف التمرير وطبعا كلامي مش عاجبكم بس انا مش هابطل أكتب والا اسيبكم يا شويه بشر مابتعشقوش غير اللي يكذب وينافق عايزين الكداب مش الصادق ناس وبشر صحيح ما بتحبش غير حبة خداع وحبة وشوش بتهوي التبرير رحماك ياربي من قلب تعب من سوء التقدير
