سلسلة نصائح ريم خيرى شلبي للرجال من أجل علاقة ناجحة ( 1 )

عزيزى المقدم على علاقة إليك بعض النصائح أرجو أن تنظر لها بعين الإعتبار

أولا ,,, إذا كنت تنوى على خطوة جريئة مثل العزومة فيجب عليك أولا التفكير جيد ما هو نوع هذه العزومة..مشروب أم عذاء أو عشاء..ويجب قبلها أن تقوم بعمل بحث صغير ومهم لمعرفة طبيعة حياة وشخصية الطرف الآخر..مثل مواعيد حياتها بتنام الساعة بتصحى الساعة بتفطر الساعة وتتغدى الساعة وهكذا..يعنى مش عشان إنت بتنام طول النهار وتصحى طول الليل وبتتغدى الساعة 12 بليل فتقابلها الساعة 6 المغرب وتسألها سؤال غبى زى فطرتى ولا لسه..لأن دا بالنسبة ليها ميعاد عشا لو هى بتصحى 7 الصبح وتروح شغلها وأو مكان دراستها مثلا..هتقول بينك وبين نفسك دا يوم يتغير عادى..هقولك إنها بالفعل لو معجبة بيك وملهوفة على الميعاد زى الهبلة مستحيل هتكمل معاك للاخر وحياتكم هتتحول لجحيم..وإذا كانت شخص ناضج وكبير وحياته متظبطة من سنين على وضع معين المقابلة كلها هتبوظ لأن مودها هيبدأ يتغير بسبب تغير مواعيد الأكل والشرب بالنسبة ليها..وهتبدأ تفكر إزاى تخلع منك بأى وسيلة وإنت يدوب لسه بتخطط لأول لمسة إيد مثلا..ولو إنت كمان حديثك ممل وأسألتك قفيلة يبقى تأكد إن دى هتكون أول وأخر مرة هتشوفها فيها..وإنت مستغرب بينك وبين نفسك إزاى مز زيك يحصل معاه كدا.

ثانيا ,,, و ثانيا دى مهمة صدقنى.. بلاش تلعب دور الواعى قاريء العيون إللى من نظرة واحدة تقدر تقرالها إللى مخبى وتقولها عليه..سيبها تحس إن ليها خصوصية سيبها تحلم بالمسافة إللى بينكم وهى بتتلاشى واحدة واحدة..صدقنى العلاقات السريعة بتنتهى بنفس السرعة..حتى لو وصلت للسرير..تأكد إنها هتنتهى وتبقى كأن شيئا لم يكن لأنك هتبقى عامل زى إللى سلخ قبل ما يدبح.

ثالثا ,,, لو نيتك خير وفعلا معجب بيها..إبدأ معاها كأنك معرفتش ولا ست قبلها إكتشف النساء من خلالها هى..بلاش تحط خبرتك القديمة قدامها حتى بينك وبين نفسك..لأن الوقت إللى المفروض تقضوه فى الحب والتفاهم هتقضوه فى المقارانات..والعلاقة هتنتهى عند الحكم إللى هيحكم بإنفصالكم عشان يريح دماغه..والله الموفق والمستعان