كتبت سماء كمال
الطبيعي ان الاطفال يناموا لوحدهم من أول شهر .. ولكن الثقافه ده مش عند الكثير منا .. بل بالعكس يعتقد البعض ان حنيه الام لابد ان تكون ف التصاق ابنها بها ليلا ونهاراً
فيفضل الطفل معتاد ع النوم بجانب امه … او سريره ف حجرتها .. وعندما تدرك الام انه لابد من فصله ف حجره لوحده .. لاسباب مختلفه .. اما لان ماما زهأت من لزقته فيها ومبأتش عارفه تنام منه smile emoticon
او لانه خلاص داخل المدرسه ولازم نعوده ع الاستقلاليه والاعتماد ع نفسه .. واياً كانت الاسباب .. فهي عادة اعتادها الطفل .. ويحتاج الي وقت حتى يعتاد على غيرها .. ولكن كيف يتم ذلك؟؟
١-الاول لازم نتفق ان العادة ده استمر عليها فترة طويلة .. ومش حينفع ينساها من يوم وليله … حتعاني وحتتعبي وحترهقي شويه حلوين .. عشان كده لما تاخدي القرار ده ياريت تكون ف حاله صحيه كويسه عشان تتحملي وتصبري .. والقرار لابد انه يكون مشترك بينك وبين والده عشان يتحمل الزن والصريخ .. عشان محدش منكم يضعف ويبوظ اللي بتعملوه.
٢-وانتي بتجهزي اوضه طفلك .. وان كان عمره يسمح .. ياريت تقدري تخليه يشاركك في توضيبها … مثلا يختار الاستيكرز تبعها .. او فرش سريره من مفارش ذات رسومات يفضلها .. انتي هنا عودتيه ع مهارة المشاركه والاختيار وأهلتيه نفسياً لاستقبال قرار النوم بمفرده smile emoticon
٣-خلاص خلصتي تجهيز اوضته .. وقررتي انه ينام لوحده .. بتندهيه .. بتتكلمي معاه بصرامه وحزم ولكن بعيون حنونه .. ف نفس الوقت .. حتقوليله حبيبي اوضتك بأت جاهزه وجميله جدا .. وانت خلاص لازم تنام فيها شطور لوحدك من النهارده .. يالا يبطل ندخل نضبط السرير وشوف حتاخد اي لعبه ف حضنك تنيمها جمبك .. حتاخديه ع اوضته وقت مايقرب نومه .. وتقومي بطقوس قبل النوم المعتاد عليها .. حدوته .. قرآن .. ادعيه .. ولو هو كمان حافظ دعاء يقوله
٤-الاطفال مختلفين ف ردود افعالهم .. ممكن تلاقي طفل يكون استعد نفسياً لكده وفرحان بالاوضه الجديده ولعبه والحركات اللي فيها ويجري ع الاوضه وينام بسهوله .. وجايز يصحالك ف نص الليل بيعيط .. وجايز ميستجبش من الاول خالص مالص ويوريكي ليله فل smile emoticon
٥-ايا كانت فصيله المحترم .. حتصري ع موقفك ولا تراجع ولا استسلام .. يعني ايه؟؟
يعني خلاص خلصتي الطقوس .. وبوستيه وحضنتيه .. قولتيله تصبح ع خير ياحبيبي .. تخرجي بره وتسبيه ف الاوضه لوحده مع نار خافت .. عيط صرخ .. مفيش استجابه منك غير انك تفهميه انه خلاص حبيبي حتنام النهارده هنا ووانا جمبك لو احتاجت لحاجه انده عليّه
زود ف الصريخ .. قوليله انا حجيلك كان ٣ دقايق ابص عليك .. انت شطور وتسبيه
جالك الاوضه .. تاخديه من ايده وتحطيه ع سريره وتخرجي وتسبيه وانتي بتقوليله انا جمبك لو عوزت حاجه حتلاقيني
حيقوم ويجيلك كذا مره طول الليل .. خمسه سته عشره .. نفس اللي بتعمليه حتعمليه .. من ايده و ع سريره من غير دلع ولا عنف … متزنه وماسكه اعصابك ومستوعبه ان كلللل ده حيحصل ..
٦-حذاري ترجعي ف كل ده ويصعب عليكي انتي او باباه .. والا حتعاني معاناه السنين وحتعيدي من الاول والامر حيزداد صعوبه .. حاله واحده بس اللي تخليكي ترجعي ف ده كله .. انه يكون تعبان او سخن .. لانه مينفعش نعوده ع سلوك جديد وهو مش مضبوط جسديا
٧-ثقي انها كام ليله وحيتعود .. وافتكري لما كنتي بتفطميه عن صدرك كان بيعمل فيكي ايه .. وياتري اتفطن ولا لسه smile emoticon حيعتاد وحيتعود .. بس الصبر ثم الصبر ثم الصبر والاستمراااااااار .
٨-ملحوظة الكلام ده مناسب لاي سن تقرري تفصلي فيه ابنك .. ونصيحتي .. بدري بدري احسن .. هو ده الصح smile emoticon
٩-تشجيع ع اد ماتقدري ادام باباه .. الناس .. الأهل .. انه شطور وبينام لوحده .. وهاتيله هديه بيحبها في نص الم
