زوجة الشهيد البطل النقيب محمود فارس زوجي كان فارس الفرسان
كتب/فادي محمد
عريس الجنه فارس الشيخ زويد
بوست من زوجه الشهيد بإذن الله البطل نقيب محمود فارس
البطل دا يبقي جوزي الشهيد النقيب/محمود فارس
.فارس استشهد وهو عريس بقاله عشرين يوم ،فارس اتصاب قبل فرحه ومقلش لحد وجاله تهديد بعد فرحه وكان بالنسبه له عادي ، عرف بعد فرحه انه فيه مداهمه كبيره واصر انه لازم يحضرها وزمايله يكلموه يقولوه متجيش يافارس احنا موجودين ابقي احضر المداهمه اللي بعديها يرد فارس ويقولهم مينفعش يبقي فيه مداهمه زي دي ومحضرهاش واسيبكوا لوحدكم لازم اجي وفارس راح علشان يلقي مصيره للجنه ويوم المداهمه جدد نيته لله وطلب الشهاده بكل جداره وراح لموقع المداهمه في قريه المقاطعه بشمال سيناء وعلي لسان زمايله فارس واخد حقه قبل الشهاده مش محتاج اي حاجه مننا فارس قتل فيما يقرب من ٨تكفريين قبل الشهاده والابتسامه علي وشه مش مفارقاه وبعديها جت رصاصه الغدر من وراه علشان تبقي دي نهايته الشهاده اللي كان بيتمناها من كل قلبه وكان ديما بيدعي ربنا بيها فارس كان نعم الزوج والاخ والابن يوم ١٦/١٠/٢٠١٦ يوم تتويجه الي عرش الرحمن فارس كان واخد عهد علي نفسه انه مش راجع من سيناء الا لما يجيب حق زمايله زي ما وعد اهلهم يااما ملفوف في علم بلده واكرم عليه ربنا باللي يتمناه وكان ديما يقول
“عيش راجل يموت جسمك يعيش اسمك ”
“يهددونا بالسلاح ونحن نري الجنة في فوهات اسلحتهم”
فارس كان بيكرس كل اجازته لمواسات اهالي الشهداء ولما كنت اقوله انا ليا حق بردوا اني اشوفك يقولي انت بكره هتحسي بفرح اد ايه لما تيجي معايا ونزور اهالي الشهداء وتشوفي فرحتهم لما بروحلهم انا بحاول علي اد مااقدر اهون عليهم ودلوقتي فعلا حسيت باهميه اللي كان بيعمله ربنا يجعله في ميزان حسناتك
رحمك الله ياقطعه من القلب فارقتني
