رســـــــــــاله من أم فهل تجد صدى لدى المسئولين ام انها ستهدر حقوقها والسبب المجامله

بقلم ممدوح غر يب

قالو فى الامثال زمان لايأس مع الحياه
اما فى هذه الحاله نقول لاحياة لمن تنادى
هذه حالة الطفله هنا هشام محمد موسى والتى من قصتها نعلم انه لاحياة لمن تنادى
ومن كلام الام للطفله قالت
بنتى عندها 7 سنين ذوى احتياجات خاصه وكانت تحتاج الى سماعه طبيه بناءعلى رسم سمع من الطبيب الخاص بها وذهبت لشركه اسمها هانزاتون لشراء السماعات الطبيه ولكن كانت السماعات غير صالحه لاستعمال ابنتى وبلغتهم بهذا وقعدا يماطلو فى اصلاحها ولمده 3 شهور وبعدين خدوها وقعدت عندهم اكتر من 4 شهور وبعدين استبدلوها بسماعه ايضا غير مناسبه وظلو يلعبو بيا وكل مره ييجو بياخد 60 جنيه رسم زياره يعنى صرفت اكتر من حوالى 20 زياره وبعدين ابتدو يهددونى انى انسى الموضوع على كده
ولما اصريت لاسترداد حق بنتى قالولى طيب تعالى واحنا هنديكى فلوس السماعات وعندما ذهبت كانت نيتهم غير سليمه وكانوا عايزين ياخدو منى السماعات وما يدونيش فلوسها وقالولى ان صاحبة الشركة زوجة لواء كبير ومش هتاخدى ولا مليم واخبطى راسك فى الحيطه واتصلت بالنجده وجه امين شرطه عشان يعمل المحضر قعدوا يعمللوا اتصلات بلوائات وعميد بالشرطهويعطوا التليفون لامين الشرطه
وفى الاخر تم عمل المحضر برقم 3769 /2016 ادارى الدقى بتاريخ 24/5/2016 وذهبت لمتابعته بس للاسف برضه بواسطتهم تم حفظه ادارى وعملت تظلم رقم 2066 للمحامى العام وتم قبوله لكن للاسف لم يتم اتخاذ اى اجراء ايضا وكنت قد عملت شكوى فى حماية المستهلك رقم 291884 بتاريخ 22/5/2016 لكن ايضا للاسف لم يتخذوا اى اجراء علما ان فى رساله فى التليفون التابع لحماية المستهلك بتقول ان الاجراء يتم فى خلال 5 ايام وقد قمت اليوم وبعد يأس بتقديم شكوى اخيره لرئاسة الجمهوريه بقصر عابدين بس للاسف قالولى بعد اسبوعين ويمكن يتم الرد او لا بجد بجد حرام فين حق الاطفال ذوى الاحتياجات الخاصه وذهبت لعمل معاش تضامن اجتماعى ايضا لبنتى وقمت بعمل القومسيون وكل حاجه بس للاسف قالولى انه بقا تبع حاجه اسمها التكافل الاجتماعى ومن اول السنه محدش اخدت الورق
هذا ماقالته الام بالنص فمن نخاطب اذا ………اذا كانت الام تذهب متزلله الى كل مكان لاعادة حق ابنتها المريضه والمهدور هكذا ياساده الحال مع المواطن البسيط فمن هنا
اوجه مناشده
الى وزير الداخليه والى وزير العدل والى اليد المحامى العام بل والى رئيس الجمهوريه بصفته وشخصه على النظر فيما يحدث فى المواطنين والحقوق التى تهدر والسبب المجاملات يجاملوا فى اهدار حق طفله معاقه ومريضه من اجل ارضاء زوجة عميد او لواء فهذا لايحدث فى اى مكان بالعالم بل انه يحدث فى مصر فقط