رسالة من مواطن الى رئيس الجمهورية

كتب: سيد الهلاوي

السيد مدير مكتب رئيس الجمهورية .
السيد معالى رئيس مجلس الوزراء
السيد رئيس هيئة المجتمعات العمرانية
السيد رئيس جهاز مدينة الشروق

عن الاراضى ضمت لمدينة الشروق بقرار ٦٣٦ لسنة ٢٠١٧ م :
نسمع اسعار توفيق اوضاع غريبة
ووجب التوضيح اننا شعب مصر الذى يجب ان يعيش حياة كريمه دائما نتمنى مراعاة ان:

١- عند حسابهم مبلغ ع المتر للمرافق او اى مسمى
يراعوا ان:

سنة ٢٠٠٨ كان المواطن بياخد من هيئة المجتمعات ١٥٠ متر وبالتراخيص والمرافق والرسومات بسعر متر ٧٠ ج قسط ٧ سنين حتى ٢٠١٤ .

وكمان كانت الهيئة والحكومة بتساعد المواطن بدفعات نقديه ١٥٠٠٠ج كاش لبناء الدور الأراضى.

وكمان بياخد المواطن مجانا ( واحد طن حديد تسليح) يبنى الدور الارضي بيه .

وكمان لو المواطن بنى ٣ أدوار بياخد الارض ببلاش ..!!!

هذة كانت حكومتنا .. فنرجوا العدل والانصاف

٢- اقل مساحة لملاك الارض ممكن اوى تبقى اقل من ١٥٠ م وممكن اوى تعتمدوا نماذج بناء هندسية ( ونملك العديد من تصميمات هندسية جميله مناسبه ) تمنع حجتهم بالعشوائية يلتزم بيها صغار الملاك وتتبنى اراض قرار ٦٣٦ لسنة ٢٠١٧ بشكل اجمل من مبانيهم.

٣- جهاز مدينة الشروق نسى انه بيتعامل مع ناس اشتروا الارض بالوف الجنيهات ومسجله شهر عقارى اشتروها بسعر مرتفع و بأسعار أكبر من اسعار الهيئة وقتها المعروضة فى جميع المدن الجديدة (اكبر من ٧٠ ج سعركم الارض مرفقة ومرخصة مقسطه على ٧ سنوات يعنى سعر حتى ٢٠١٤م ) ..

٤- بتتكلموا ف أرض ملك ناس الوف الأسر ومستقبل ملايين الأطفال والشباب .. دفعين فيها دم قلبنا كل ملاك أراضى قراركم ٦٣٦ لسنة ٢٠١٧
سواء فى جمعية السلام او الرابية او الكنانه ايا كان مكانها.

٥- المفروض ان الاوان تساعدونا نبنى. وتقفوا صفا صفا مع المواطنين نحن شعب مصر ..

٦- منتظرين سنين وسنين ووقفنا حالنا وليه التأخير للبناء كل ده من الجهاز والهيئة . ورئيس الجمهوريه حدد سنه ونص تخلص كل الامور دى وفات ميعاده ولم نتقدم باى إجراء فتعجلوا .

هكذا كانت حكوماتنا ترعى مصالحنا .. فنرجوا العدل وسرعه اتخاذ اللازم.

نرفع أصوات الألوف لمعاليكم لرفع المعاناه ومماطله جهاز الشروق وسرعه التقنين حسب تعليمات سيادة الرئيس