بقلم…. وفاء يوسف
الأرض من حزنها،،
نازلة دموعها مطر،،،،
حتى الحجر ،،،،
من كتر حزنه انفطر
على فراقي وأنا، ،،
أنا الشهيد الحي،،
وبقول بلاش البكا
وانده بعزم ما في ،،،
بلاش حداد وبلاش
الدمع والأحزان ،،،
حلوة االقلوب بالصبر
وفرحة الأوطان
أنا عند ربي بلا
أحزان ولا حرمان
وهتشفوني يا أهلي
يا أجمل الخلان
في عيون أخويا وأبويا
في ضحكة الصبيان
فرحة قريب وبعيد
بهجة سلام وأمان
في كل طلعة صباح
في الزرعة والمية
في ايدين قوية عفية
شقت تراب الأرض
في صرخة الحرية
لجل الشرف والعرض
أنا كل صورة ع الحيطان متعلقة
نظرة أبويا
وأمي
بهدومي متشعلقة
أختي اللي طول عمرها
لقدومي متشوقة
أنا دمي سال ع الرمال
ودم أخويا سال
مسلم مسيحي، ،،
ولا تقدر تفرقنا
شربت دمانا الأرض
واخضرت مروية ومزهزهة
وزهورها أهي طلت
لجلك يا غالية وأنا منك،،،
حضني ترابك،،،
دفا وضلوعي أنا حضنك ،،،
والله مامت ياما
نلت الشرف بيكي
ومادمت يا مصر حرة
فرحان أنا بيكي
علمك هيفضل مرفرف
عالي وعالية ربوعك
حرة أراضيكي
أنا ومن بعدي ابني
وابن عمي واخويا وابن ابني
وكل ولادك الأحرار
احنا اللي بيكي وليكي
على مدى الأيام
بالروح يا أمي وبدمانا نفديكي
