بقلم.محمد فتح الباب.
الابناء دى اللى نشأت على أغنية (مفيش صاحب بيتصاحب ومفيش راجل بقى راجل)
الابناء دى نشأت على فيلم بيتقال فيه علناً كده بين اتنين ستات (مالك يامره لو تعبانه خديلك نص احمر)
الابناء دى نشأت على (اعلان بيتعرض فى نص الفيلم ع التلفزيون عن تطويل وتكبير وتضخيم)
الابناء دى نشأت على مسلسلات بتتعرض في نهار رمضان فيها (رقص ومخدرات وخمره ودعاره)
الابناء دى نشأت وقدوتها (إبراهيم الابيض وعبده موته والالمانى)
الابناء دى نشأت على برنامج (المذيع طلع ع الهواء يجرب سويت على شعر رجله)
الابناء دى نشأت على احتفال فيه (محافظ بيكرم رقاصه)
الابناء دى نشأت على (برامج بتستضيف شوية عيال متسولين عملوا مهرجان شعبى منحط فى الوقت اللى حملة الماجستير يلهثون لا احد يسمع لهم)
الابناء دى نشأت على (مجلس شعب كان متقدم فيه سما المصري وحمدى الوزير)
الابناء دى نشأت على نصيحة (ممثله بمشاهدة افلام الأباحيه وممثل بيطالب باتساع المشاهد الإباحية على التليفزيون المصرى)
الابناءدى نشأت على (فصل افضل دكاترة الجامعات ومنح الدكتوراه الفخريه لشعبان عبرحيم) …
منتظر ايه من جيل بالشكل ده والبيئه دى ؟؟!!!
هل ده جيل يقدر يشتغل وينتج ويفيد بلده في اى مجال ؟؟!!
الجيل اللى بالمنظر ده لما يتجوز ويخلف هتبقى المحصله ايه؟؟!
وللاسف الصالح والنافع منهم اللى هما من الاخر كدة طلاب الثانوية العامة للاسف رجالتك رجال الشرطة الاشراف بيعتقلوهم ولا حضرتك بتتكلم عن ابناء تانى نحن لانعرفهم اه معلش اصلى نسيت ابناء اعضاء البرلمان الموقر وابناء الوزراء الكرام وابناء المحافظين الاوفياء ورجال القضاء النزهاء .
لو من كام سنه ورا كان مستحيل اتجرأ واكتب كلام بالقذاره دى لكن الواقع اقذر واوسخ والاسفاف والتفاهه والمستنقعات دى بيتصرف عليها ملايين فى الافلام بحجة انها واقع ولازم يتغير للأسف احنا وصلنا لمرحلة ماتحت القاع ولازلنا مستمرين في الحفر !!
الكلام ده معناه ازمه وطن
لان الجيل الحالى بالوضع ده لن يبنى وطن
