اسليدرالأدب و الأدباء

رباعيات الأحزان ” يا ليل “

للحزن في قلبي مكان 

فارس الليل الحزين

محمد عطية محمد

ياليل مالوش آخر

حزن القلوب مكتوب

الحمل علي الآخر

غالب ولا مغلوب

عايشين في دوامه

والصبر ماله حدود

في عنينا دموع ياما

باب الحنين مردود

التوها وخدانا

في سكة الترحال

الصرخه جوانا

بخت العليل أهو مال

ياليل ليالينا

ضلمة وسواد مكتوم

أمتي ترسينا

قلبي الحزين مظلوم

ياليل ملامحنا

تعبنا من المشوار

طول عمرنا وأحنا

الشوق كوانا مرار

ياليل مدوبنا

والقلب دايب دوب

لأمتي غربتنا

حكم القدر مكتوب

ياليل أحلامنا

وهم السراب مسجون

سرقانا أيامنا

طعم الحياه بلا لون

ياليل مالوش آخر

حزن القلوب مكتوب

الحمل علي الآخر

والضرب بالمركوب

اترك رد

زر الذهاب إلى الأعلى
إغلاق

انت تستخدم حاجب الاعلانات

يرجي غلق حاجب الاعلانات للاستمرار فى تصفح الجريدة