كلمات الصدق
فارس الليل الحزين
محمد عطية محمد
ماليش حبايب يا هوا
ماليش حبايب
الحب ضايع في الهوا
من العشق تايب
قلبي واخدني في الهوا
وبشوقي دايب
ليالي تشبه بعضها
وأنا قلبي خالي
ماليش حبايب يا هوا … ماليش حبايب
ماليش حبايب يا هوا
والحب فينه
نفسي تاخدني سكته
وأدوق حنينه
كل اللي عشقوا قبلنا
من الحب دابوا
شافوا حلاوته وأسوته
وداقوا عذابه
ماليش حبايب يا هوا … ماليش حبايب
ماليش حبايب يا هوا
وأنا ذنبي إيه
أشوف عيونه وضحكته
روحي تنديه
خلخال حبيبي ورنته
وكعبه المحني
خلاني أحبه وأعشقه
كان غصب عني
يبقالي حبايب يا هوا
عاشق هواهم
هما نصيبي في الهوا
وقلبي معاهم
وليه حبايب يا هوا … بحن ليهم
يخدني شوقي يهوا … عاشق عنيهم
