محمد عطيه محمد ( للحزن في قلبي مكان ) خفت لما دار زماني .. . .. وأترماني في ليل حزين ضلمه كحل والأماني .. . .. غايبه عني من سنين دمعي كان في عنيه ساكن كل ذكرى في الأماكن لسه فاكر .. . .. أيوه فاكر رحت عند قبر أمي .. . .. والتقيت حبك في دمي مهما كنتي بعيدة عني .. . .. أمي إنتي حتة مني كانت دموعي بتجري على الخدود سيول عشت فاكرك آه يا أمي مهما كان بعدك يطول عشت فاكر كل لحظة حب .. . .. كنتي بتدهالي لما كان بيخني زمني .. . .. ولما كات تقسى الليالي أترمي في حضنك أبكي .. . .. واترعش قلبي حزين كنت أشوف جوه في عنيكي .. . .. نظرة الخوف والحنين أنسى كل جرح فيا لما أسمع صوت دعاكي ما أنتي وحدك حاسة بيا ما ليش يا أمي غير رضاكي وتقوليلي قوم نصلي ونتلي قرآنه الكريم مهما ضاقت يا إبني أصبر ربنا أصله كريم يا ملاك في الجنة يا أمه تحت قدمك الف جنة موتي لكن باقية فيه قلبي يصرخ ألف آه قبر أمي انت روحي بنسى كل هموم جروحي غصب عني يا قبر أمي ما أنت فيك أمي وروحي
