كلمات / أسماء مندور
عيش حُرية عدالة إجتماعية
يا هِتاف لأجمل ذكرى مش مَنسية
يناير ٢٥ ده يوم عِيدك يابهية
يوم عيد الأحرار وذكرى الشهدا
الأبرار
أحرارك هَتفوا وهِتافهم زَلزل الطُغاة
كَسروا أسوار الخوف
خَلوا ليلك العَتمة نهار
أحرارك بُركان نور ونَار
بس يا فرحة ماتمت خدها الغراب
وطار
يا بَهية وعيونك سُود ليه ديما فَرحك
مَرصود
تعالب و دِيابة نَهشوا فَرحِتك جوه
وعلى الحدود
كل يوم شباب وَرد بيموت شَهيد
والحِداد فى كل بيوتك مَمدود
لبستى السواد فى عِز الشباب
القَهر مَالى القلوب والفَرح غاب
فَرحِك عَزيز ليه يام الرجَال
….. ……… ……ً..
بَس انت قَوية وعَفيةوجزورك
فى الارض معَدية كل الحِدود
ياما دَقت عالراس طُبول
ليلك ابداً مش هَيطول
خَلاص الخوف اتكسر والسَجان
بقى مَسجون
مَسجون جوه خوفه من غَضبتك
مش قولتلك انت قوية
قُومى وشدى الحيل زِيحى عَتمة
الليل
يوم سَعدك جَاى جَاى
مَهما طال الإنتظار
الورد ال فتح فى جناينك ابداً
لاهَيدبل ولا هَيموت
كل يوم بيفَتح ورد جديد
أرضك شِديدة وعَنيدة
وطَرحك وارث مِنك يا حَبيبة
القوة والصبر والعزيمة
يا بَهية زى البدر ومالك زى
يوم فَرحك وسَعدك جَاى جَاى
