دعوة ولية

شعر/ جيهان النجار

لما بتغيب عني
حبة والبراح
تروية دموعي الحزن يطرح
حبة….. حبة
بابقى مش عارفة استخبى من عذابي..
رغم اني قافلة بابي بترباسين
وآهين…. وضبة
بابقى بين
الموت …وأهله
بابقى بين
أبو خوف …وجهله
أصل موت القلب عادي غير
وفاته….. بالمحبة
اوعى تاني تغيب عليا
خلي دايما روحي فيا…
نظرة حلوة من عيونك تعتبر هي الوسية
عمري فيها
سنين بتجري
والسنة بتبقى بروحين والقلب بيعيش له مرتين
لما يبقى الشوق ميلادي بيبقى فيها
الحب هجري
والحواس ترجع صبايا والمرايا
تبقى شابة
حبة….. حبة…
واهدى وبلاش الأسية…..
المشاعر فيها يتمي اوعى تستهر
بنظرة بتجري على إحساس حقيقي
م الهوى للمغربية
اوعى تدعي عليك عيوني واتقي دعوة
ولية….
خلى بالك كفة العشقانة… طابة
حبة….. حبة
واحتويني خد ثواب
الصبر فيااشتريني خلي
شيء بينك وبيني….
سر تلقاه لما ترمي الزهر تلقى اللهفة… حية القوامة….
اني اشوف منك علامة..كلمة فيها الليل سلامة..وفيها لمسة تكفي مية
مش ضعيفة….بس انا من غير عيونك بابقى زى ما اكون كفيفة
والحياة بتكون مخيفة.. واحنا لما كنا واحد انقسمنا عشان نزيدوانفصلنام المشاعر واتصلنا
بميت وريد والقلوب دايما بتنده للهوى هل من مزيدخلي بالك مني لله الحياه حلوة وجميلة
وتبقى أحلى بالمحبة
دا انت تربية ….عيوني يسلم النور اللي
ربي