كتب :محمد العقبى
لما تلاقي حد زعلان طبطب عليه بجد من اصدقائك واصحابك وأقربائك
الزعلانين مش بيبقوا عايزين أكتر من كده
لو عرفت بكرة تخلي كل واحد يشوفك
يبتسم ابتسامة من القلب و يا سلام لو كانت ضحكة
ياريت
كل ما تحس بشعور إيجابي حاول تحفز بيه الناس اللي حواليك
خلي بالك
ماتجريش ورا الحاجة اللي مش بتديك نتيجة
الحاجة اللي تلاقي منها و فيها نتيجة خليك معاها زي ماهي معاك
فيه حاجات بتنادينا و احنا مش بنبقي واخدين بالنا
ماتخدش قرار و انت متعصب
متأجلش حاجة فكّرت فيها و عايز تعملها
اوعي تنام وانت مزعل حد عشان مترجعش وتندم
ماتحطّش راسك ع المخدة بالليل و انت ظالم حد
عشان تعرف تنام
لو قدرت تعمل مفاجأة لـ حد في أي وقت علشان تسعده إعمل كده ..
خليك انسان بجد هتلقي ربنا والناس و الدنيا بتحبك
كلنا محتاجين للحاجات الحلوة الصغننة دي في كل وقت
شريف الشندويلي
خليك حاجة حلوة
