بقلم الشاعرة : مرفت ابو فخر الكلام تاه من دماغي والحروف رجعت تناغي كل وصف قليل عليكي وإيه يكفيكي يامصر دا انتي روح قلبي حياتي بعد أمي أمي مصر فوق ترابك كان ميلادي مهدي وصبايا وشبابي عشت أحلى سنين في حضنك أرض خير مالهشي حصر القصايد واقفة عاجزة ما حد وفاكي يا مصر الكرم فيك شيء أصيل وفي بلاد الدنيا أبدأ عمري ما لقيت لك مثيل خضرة. وبهية. وعفية الجمال كله يامصر مهما يتعدوا عليكي حتفهم كان بين ايديكي واللي مشيوا سالمين لبسوا توبك راغبين صبغتك بهتت عليهم ميتك غسلت عقولهم دا إنتي جبارة يا مصر فوق جبين الإنسانية تاج كرامة مجد خالد شمس عصر
