بقلم…. بدريه محمود
انا الهبله
عشان فاكره ان ف الدنيا
هالاقى امان
انا الهبله
عشان طييتى جنيت منها
مرار وهوان
عشان اديت ولا استنيت
ف مره رد
وياما فرحت لافراحكم
وهمى و باياديكم
تصبوه صب والاقى
علقمه ف قلبي
مع انى ف احزانكم
و لو شوكه
بتوجعكم
بتوجعنى
واناجى ربى وادعيلكم
وبانسي نصيبي م الدعوات
وباتمنى تلاقوا الخير
وتتمنوه لبعضيكم
لكن قلبي اللى كان فضه
بافعالكم خلاص صدا
كتب بايدكو فوق قبره
خلاص خرجت من الخدمه
