كلمات
سعيدة أحمد
ريم صلاح
وكان سليمان
بطل حلبي
بطل عربي
بيدرس عِلمُه ف الأزهر
وكنتي يا مصر مُحتلّه
وواقعه أسيره للعسكر
فرنجه كلاب هنا عندِك
على أرضك بتتمخطر
وكان سليمان بميت عنتر
صرخ قلبه بقولة أاه
وراح لكليبر الملعون
رشق خنجر
وهانت روحه من أجلك
يامصر وقال فدا أهلك
وقال الموت عشان خاطرِك
ألذ يا مصر م السُكّر
ودلوقتي حلب واقعه
جسد مرمي ف بحر الدم
ومترشّق كتير سكاكين
حلب محشوره بين أخّين
حلب بتموت
يقول واحد مدد يا يزيد
ويقطع جسمها نُصّين
وييجي التاني يفرمها
وبيهلل مدد يا حُسين
ولاد .. موتى
بنات .. موتى
شيوخ .. موتى
يا مصر قوليلي ليه ساكته
ومش عايزه تردي الدين
حلب ف الفرن يا عالم
ولادها معجونين رغيفين
وطبعا كُلُّه ف الأخر
ح يقعد ..
يلهط الفتّه
