كتبت/بسمه عطيه
حكايتى مع المصروف حكايه اشبه بحواديت الف ليله وليله او اشبه ب افلام الخيال العلمى المصروف معايا ملهوش منطق ولا اقدر احسبه ب الورقه والقلم حاجه كده مهلبيه على المظميه على متفزقيا ولأن انا زى اى ست كل يوم بتحاول تقلل من مصروفتها عشان تواكب سلسلة افلام الدمار الشامل ايوه مهى تحولت طموحاتى فى المصروف واتقلبت من واقعى لخيالى وانتهت بفيلم رعب!!!!!
من الاخر وعلى بلاطه اى ست مصريه جدعه وبمليون راجل هتفشل هتفشل فى مواكبة زيادة الاسعار
اينعم !!! ستفشل لا محاله
ما المنطق بيقول ده لو لسه فى البلد ده منطق ان دخل موظف بسيط عايش حياه بسيطه يعنى يدوب اكل وشرب وعلاج لو حد مريض خلال الشهر محتاج على الاقل 100 جنيه كل يوم اه نسيت كهربا، مياه، ايجار، تعليم ،هباب اسود على دماغنا مواصلات وخلافه
المواطن ده???? ايوه ده الغلبان اللى واقف اخر طابور السكر ده تعرفه ؟اه ده شبهى اوى او ب الآحرى شبهنا كلنا مخوخ ،محنى باين عليه التعب والهم والغم والغلاء اللى نهش كتافه ولسه بينهش
الراجل ده زى كل ملايىن المصريين قرر انه يخضع للامر الواقع وان يطوع مطالبه امام دخله وقال يا واد يا ناصح بلاش لحوم وخلينا فى الحجات الشعبيه كشرى وبطاطس ويسلام على حبة طعميه
ورضى وشكر ربه وقال الحمد لله ان بيبات كل يوم واكل شارب ومستور بين اربع حيطان
تجى بقى الحكومه بتاعتنا وبكل قوه وترزعه قلمين تلاته وتقوله لا استنى لازم تقلل اكتر لازم تتقشف اكتر
ايوه عملت كده ومش ب الكلام للأسف المره ده وعلى غير عادتها ب الافعال
لما تبقى زجاجة زيت 22 جنيه وسكر 15 جنيه ورز 10 جنيه وبطاطس 6 جنيه وخيار 6 جنيه وشوية ثوم عامل فيه توم كروز الربع كيلو 15 جنيه وبصل 10 جنيه وطماطم 4 جنيه وعدس 40 جنيه ولبن 12 جنيه لو هعد اسعار الدمار الشامل مش هلقى ليها حصر
على فكره كل ده هو مجبشى لحمه ولا فراخ ولا سمك هو فعلا مقاضيها عدس وفول وطعميه وبطاطس وكشرى بيضيع اكتر من 100 جنيه
ب اى حق بتعمله كده فى الشعب ب اى قانون بتدوسه على كرامته ب اى دم انتم قاعدين فى كراسيكم
المفروض ان كنت بتكلم على مواطن دخله 3000 جنيه فى الشهر
ما ادراكم دخل مواطن 1200 جنيه فى الشهر
المفروض انه يعمل ايه يتاعمل ازاى المفروض انه عايش
لا والله هو ميت الف موته هو على رأى عمرو دياب هو عايش ومش عايش!!!!!!!!!!!!!!
وده بقى حكاية ملايين المصريين فى المصروف حكاية ممله وسخيفه وزادت عن الحد حكاية مواطن بودنى سمعته بيقول ربنى ياخدنى عشان ارتاح !!!!!!!!
حكاية الشعب الجعااااااان
