الإسم مصري واللي أنا عملته حصري أنا هنا أحكي لكم حكايتي و أقول لكم إزاى حققت حلمي و نصري أنا الشهيد … سمعتم عنى أكيد وقفت وضحيت فى سينا عشان نبنى وطن جديد لينا وطن جديد نحطه جوه عنينا ونرفعه لفوق ويعلو بإيدينا آآه شهيد … بس عند ربي حي أكيد آآآه شهيد علمت الناس معني الصمود آآه شهيد ضحيت عشان وطنى يعيش فى خلود شهيد و أمى إتزينت بلقب جديد ..” أم الشهيد “ آآه يا عيني علي أم الشهيد في عينيها دمعة لو نزلت تقسم الحديد في قلبها صرخة لو طلعت زلزال شديد. في روحها ودمها أبنها مازال موجود في صوتها نبرة حزن .. لو خرجت تزعزع الوجود سامع صوتك ياأماه من بعيد .. صوتك كله نغمات و حنين تعبان .. زعلان … فى نبرتة أنين صوت واهن حزين _ أنت فين يا بني ؟ وحشتنى ولك آشتقت _فى الجنة يا آماه .. ضحيت بروحي و فيها عشت _ سبتنى ليه ؟ و عني يا آبنى بعدت – بسلم عليكى يا آماه فى كل وقت
_ ياريتهم خدوا عمري و روحي و عيوني وعنك ما بعدوني
_ يا أمي يا صابرة في قلبي ساكنة متخليش أخواتى ينسوني
_ و عروستك من بعدك هتعمل إيه ؟
مستنياك من زمان أقولها إيه ؟
مش هقدر أقولها إنسيه !
_ لا قولي لها حبيبك .. الشهيد اللي العصفور وقف على قبره و غنى
أنا الشهيد اللي الناس قالو لي عند ربك إتهنى
أنا اللي ربي قال لي من فوق سبع سماوات .. يا شهيد عيش في جنتي و أتمني
سرقوا مني ضحكتي
و أنا بقول النصر لبلدى و ربي
سرقوا مني كلمتي و حرفي
وأنا بقول لا إله إلا الله
سرقوا مني دنيتي وفرحي
و أنا بقول مش هسيب حقي
دي حكايتي .. و دي نهايتي
و آخرتي في جنة ربي .
