كتب : بهاء الدين فندي
وصلت الي جريدة العالم الحر رسالة من احد المصريين بالخارج
السلام عليكم رجاء نشر مشكلتي ربما اجد الحل من احد الاعضاء انا متزوج من انسانه محترمة جدا لكن دماغها فاضيه واخد لها اجازة من شغلها وموجودة معي في السعودية بتسلم دايما دماغها لاختها وامها يلعبوا فيها باستمرار . انا متغرب من حوالي 8 سنين ويمكن السنة دي اول سنة اجني شيء من ثمار الغربة المشكلة اني مش عارف اسيطر على دماغ مراتي وفي نفس الوقت ربنا فتح لينا باب رزق مش لاقي وقت عشان افضل ادلع واهنن لان الاسلوب دا بيجيب نتيجة معاها بشرط يكون على مدار 24 ساعة عرض متواصل يعني لو سكت لمدة عشر دقايق تبقي انت مش بتحبني المشكلة ان عندي ابن وبنت ربنا رزقني بيهم ومش عارف اعمل ايه اطلقها يمكن امها ترتاح ولا اسيبها في مصر واشوف انا شغلي في ظل الظروف الصعبة اللي بنمر بيها كلنا كشباب مغتربين ومفيش حد بيدي حد حاجة قبل كدة اتعرضت لازمة في شغلي وديون وكنت معرض للسجن ولا فيه حد كان بيسأل عليا لو حتى بالتليفون انا بين نارين تعب سنين الغربة اللي ممكن يضيع في لحظة او ابني وبنتي اللي ممكن يعيشوا باقي حياتهم بين اب وام منفصلين ومعرفش مصيرهم هيكون ايه حاليا مراتي في مصر عشان تولد ولاننا زعلانين والدها الراجل المحترم جدا منعني انا او أي حد من اهلي يتصل بابني او يطمن على الطفلة الصغيرة المولودة مش عارف اعمل ايه ؟؟ لو حد عنده نصيحة يا ريت يدلني ارجوكم لاني تعبت من التفكير في الموضوع ده
