حبيبتى بتوحشينى

بقلم:سمير صبري

حبيبتي بقيتى بتوحشني حتي وانتى معايا
انتى وحدك بس اللي مالكه امري وحبي وهوايا
معاكى الدنيا حسيتها
وفي قربك ايامي حبيتها
بحب كل مافيكى
وبعشق ضحكتك وكلامك ونظره عنيكى
لو سبتيني لوحدي هقول لمين ياحبيبتي
ماهو انتى حبيبتي ومافيش غيرك حبيبتي
حبيت معاكى حياتي
وفي قربك حياتي بقي ليها شكل تاني
اوعديني ان عمرك ما هتغيبى عني
وهتفضلى دايما قريبه مني
وانتى مش معايا بفكر فيكى
ولما تبقي معايا بكون ياحبيبتي ملك ايديكى
وانتى معايا بيتوه مني الكلام
ومش بكون عارف اعبرلك اد ايه جوا قلبي غرام
نفسي اعبرلك عن حبي ومش عارف ازاي
ونفسي اقولك قلبي وحياتى ملكك
انا اتعلمت الحب علي ايديكى
والدنيا شوفتها بحلاوتها من نظره عنيكى
دورت في كل قواميس الحب عن كلام يوصف شوقي ولهفتي
لقيت حبك في قلبي اكبر من الكلام ومستحيل ينتهي
خلصت فيكى كل الكلام
بس صدقيني حبك اكبر من كل كلام الحب والغرام
احساسي بيكى مخليني احب ايام عمري وسنيني
نفسي اصرخ بأعلي اصوت
واقول اني فعلا بحبك موت
نفسي اقولها للدنيا كلها
دى حبيبتي اللي حسستني بالدنيا وجمالها
دى حبيبتي اللي اخترتها
وعن كل الدنيا فضلتها
اوعدك اني قلبي دايما هيكون ليكى
وهحبك طول عمري وهخاف عليكى
حبيبتي لو بتعرفى تنسي يبقي انسي اني ممكن في يوم اسيبك او حتي ممكن ارضي بغيري يكون حبيبك
نفسي تحسى بحبي ليكى وتعرفى اد ايه بموت فيكى