“جيش بلادى” ذكرى إنتصار العاشر من رمضان

 شعر / عبدالمجيد سلطان
من حقى أتباهى بيك يا جيش العزه يا جيش بلادى
يا سندى فى كل أزمه وشوكه فى حلق الأعادى
بدلتك شرف لأى جندى يلبسها
ربى حافظ مصر وإنت ع الأرض حارسها
كل العالم بيتعلم منك يعنى إيه وطنيه
ما إنت إل فى ٧٣ كسرت العنجهيه الصهيونيه
يا صانع النصر وصانع الإنجازات
يلى فيك قلب ناصر وعقلية السادات
رافع الراس وحامى الكرامه
يا منبع الرجوله ومنبع الشهامه
يا خير جندى ع الأرض لحد ما تقوم القيامه