لقطه عامه /نهار خارجي /لقطه كبيره /علم مصر أعلى المبنى /جنديات /كتائب الجيش /مؤثر صوتي (صاعقه )/لقه خاصه /فتاه مجنده /ضابط /مكتب /لقطه كبيره/صورة الرئيس السيسي /لقطه خاصه/لوحه/ (إذا فتح الله عليكم مصر فأتخذوا منها جندا كثيفا فهم خير أجناد الأرض ) الحوار : جمالات:يافندم منور نور مالي علينا الدنيا وبنوزع منه وخيرك مغرقنا أه والله يافندم . الضابط: أخلصي يا جمالات وهاتي من الآخر خير عايزه أيه ؟ جمالات : كنت عايزه أجازه حياة النبي يافندم ومتكسفنيش ده أنا لسه دفعه جديده . الضابط: وعاوزه أجازه ليه ده أنتي لسه مشرفانا؟ جمالات : هأنزل أتخطب يافندم ربنا يعمر بيتك (وافق) ده رابع عريس يطير من أيدي وبنت خالتي إتخطبت بقالها شهرين . الضابط: مش فاضيين إحنا لبنت خالتك وليكي عندنا شغل . جمالات : ورحمة الحاجه لتوافق وربنا يافندم يومين أتخطب وأرجع جري . الضابط: ماشي يا جمالات أهو يومين أجازه وسلامي للعريس . جمالات : ربنا يخليك لينا يافندم ربنا يكرمك يافندم . تخرج جمالات في غاية السعاده تدندن في نفسها بصوت هادئ هاتجوز هاتجوز
المشهد الثاني بعد مرور ثلاثة أشهر لقطه عامه من أعلى/أعمال قتاليه/مكتب /أشغال الضابط/مهام ورقيه/محادثات هاتفيه/جنديات تآتي /آخريات تخرج/مصباح يتوهج فجآه/إقبال الفتاه /لقطه خاصه /إندهاش الضابط. الحوار: الضابط :جمالات تاني خير . جمالات : سلام عليكو يا فندم ربنا يرقيك وأشوفك لواء يافندم كنت عاوزه أجازه أسبوع . الضابط : ليه ياجمالات مش إتخطبتي والحمد لله ؟ جمالات :آه يافندم إتخطبت ،أكمل نص ديني بقى حياة أبوك يافندم أتستر في ضل راجل بنت عمتي صفيه عندها أربع عيال . الضابط: مش هنخلص بقى عمتك وخالتك روحي يا جمالات أجازه اسبوع ومبروك يا جمالات. جمالات: ربنا يبارك فيك يافندم وأشوفك وزير دفاع قد الدنيا. دندنه لطيفه للفتاه تسلم الأيادي تسلم يا جيش بلادي يا اللي مجوز ولادي.
المشهد الآخير بعد مرور تسعة أشهر لقطه عامه /جنديات /مؤثر صوتي (النشيد الوطني ) لقطه خاصه/وجه فتاه /حالة إرهاق شديده . الحوار: جمالات : عايزه أجازة وضع يا فندم . الضابط : مشاء الله أيه السرعه دي ياجمالات . جمالات : هنعمل أيه بس يافندم الحياه مش عاوزه فاصل ونواصل . الضابط : وبتقولي حكم كمان طب مفيش أجازه . وقبل أن ينتهي الضابط تحل صرخه الآلم وتدق حالة الولاده وتقدم الجنديات والقاده وعلى الفور تقبل سيارة الإسعاف للإغاثه . ردا على حملة مجنده مصريه ياسيدتي وآنستي الفاضله لكي منا أرق التحيات وأغلى البسامات أنتي في بيتك تخدمين وطنك ، تربي له الأجيال والقاده وأنتي في عملك كطبيبه أو معلمه وغير ذلك يقدر الوطن قدرك لكن الرجال في حمل السلاح حماية ودفاعا ليسوا بأفضل منكي لكن راحة لأجلك وإن غار العدو على بلادك فالوطن يعلم أن يدك أول الأكفف سترفع خفاقا باسمه .
